Puhpa M. Laikaw, CEM, MADC ta Ex-MDCs Office pahyna programme hmâkhei

PRESS RELEASE
NO.129/2023

SIAHA, 11 Thlarâh, 2023, Hriatuanoh – Atanoh dawh 11:00 AM khata Mara Autonomous District Council (MADC), Siaha Main Office chhôh liata Puhpa M. Laikaw, Hon’ble Chief Executive Member, MADC cha khichhai laipa (chief guest) châpa ta Ex-MDCs zy châta Ex-MDCs Office a pahy.

Programme he Puhpa K. Chhihrau, Executive Secretary, MADC ta chhihtha ta, Rev. B. Beilua ta devotion â hmâh.

Rev. B. Beilua chata, “MADC kô 50 eima tlô khai tawhta, Ex-MDCs chhaota Office pha kawpa ama vaw hneipa he alykhei hmeiseih ei na ta, he Office heta apôhkhana vaw tlôkhei sala, nôhmeipa zy, hârapazy, etc Opi vaw châ sala, chyhsa to ngiaryhna O vaw châ mawh sy,” tahpa ta a reih.

Puhpa M. Laikaw, CEM, MADC chata, “Atanoh Ex-MDC Association Office pahy theipa a vaw châpa he ei ly hmeiseih, Executive Secretary, MADC nata Officials zy ta EX-MDCs châta Room paruapa ta EX-MDCs châta Room pha kawpa ama pachhuahpanoh theipa he ama chô lâ liata ei ly hmeiseih,” tahpa ta a reih.

CEM chata, “MDC nôpawpa tyudua n’awpa room a vaw ypa he aly a chhih ta, he room tawh heta pasopakâna phapa zy, suggestion pha kawpazy nama vaw tao tyh awpa ta ei châ haw hei. He room heta hriaparaohna phapa papua lymâ mawh sy,” tahpa ta a reih.

Puhpa Nôhro Hmôkô, President, EX-MDC ta, biereina nata report piena hnei ta, “atanoh Ex-MDCs châta Office miah taopa ei chi ta, aly hmeiseih na ta, ei ngiahma pâ khai ha,” tahpa ta a reih.

President, Ex-MDC chata, “CEM nata a hrialâhpazy hnohta alynabie reih na ta, Room pha kawpa miah nama pie hleikhô ta, Furniture pha kawpazy miah pie pâ ei chi ta, ei ly hmeiseih,” tahpa ta a reih.

Puhpa K. Chhihrau, ES, MADC ta vote of thanks reina a hnei khai tawhta Abeipa thlahchhâna reihparaohpa ta daihti pachhâsapa a châ.

Source:
Information & Publicity Department
Mara Autonomous District Council
Siaha.

Leave a Reply