PRESS RELEASE
NO.78/2026
SIAHA, 21 Thlarâh, 2026 (Hriatuanoh): Atanoh zâlâ dawh 2:00 PM khata LAD Hall, MADC, Siaha liata Puhpa K. Chhuabei, EM i/c LAD, etc MADC chata Siaha Khihchhôh liata VCs nata Vaih to Sanitation Committees zy pathaihna kyh liata hmahla dâh n’awpa programme â hmâkhei ei.
Puhpa Henry PL. Hnaihly, LAO, MADC ta programme a chhihtha.
Puhpa K. Chhuabei, EM, MADC chata, “Supreme Court’s directions hawhta apuapa byh he sâpalih lâta pachhai’pa a tahpa hawhta he bie he Siaha District liata pahrâpa zydua ta pachâ peimawh ta eima zyh chyu awpa a châ,” a tah.
“Athaohta nota apuapa byh sâno hmâpa ta thy lymâ awpa tahpa kha atahmâ cha apuapa byh sâpalih hmâh awpa tahpa Supreme Court’s directions vaw châ ha ta, eima zydua ta pachâ peimawhpa ta eima zyh chyu awpa a châ.”
“Apuapa byh cha he hawhta pachhaih awpa a châ: 1. Green Bin: He Green Bin liata thy awpazy, azao theipa (Biodegradable waste), food waste, vegetable/organic matter, flowers, etc. 2. Blue Bin: Blue Bin liata thy awpazy, azao theileipa (Non-biodegradable) nata recyclable theipa, plastic, paper, cardboard, glass bottles, rubber, metal cans, plywood nata cosmetic containers. 3. Red Bin: Red Bin liata thy awpazy, Sanitary waste, diapers, sanitary pads, napkins/tissues nata sanitary materials. Black Bin: Black Bin liata thy awpazy, electrical nata electronic items, bulbs, tube lights, computers, televisions, batteries, syringes, expired medicines nata spray containers ruapa.”
“Khihchhôh liata i (dog) papua lei awpa ta hmahlana sie ngâhaipa lia heta diathlâ leipa ta tiama papuapa ta hriaparaohna phapa hnei ta, hriakhoh lymâ awpa a peimawh hmeiseih.”
“Pathaihna kyh liata hmahsiena a y via lymâ thei n’awpa ta budget liata sôh sopa châ ta, chavâta VCs nata Sanitation Committees zy tiama papuapa ta hriaparaohna phapa hnei lymâ ta NGOs zy chhaota hriaparaoh lymâ awpa ta hmahla lymâ achhuahpa a châ,” tahpa ta EM ta biereina pha kawpa a hnei.
LAO, MADC chata, “Khihchhôh liata Awh Patusapa (Cockfighting) he pasaih leipa châ ta, he hawhpa a tao raruahpa ama y khiahta la, LAD, MADC lâ nama vaw report lymâ aw. I (Dog) a zao khohpa chata vaccine ama la cheingei awpa a châ. Ama i (Dog) zaopa khôtho ama papuapasa awpa châ vei,” a tah.
“Siaha Khihchhôh liata sa rate (Meat Rate) chhao tao khai hapa châ ta, LAD, MADC ta sa rate ataopa hmâhkhoh leipa ta sa azuahpa cha Concerned Department hnohta nama vaw report lymâ aw,” LAO ta a tah.
Puhpa M. Hniedô, ASO (Assistant Sanitation Officer) chhaota biereina pha kawpa a hnei hra.
ISSUED BY:
Information & Publicity Department
Mara Autonomous District Council
Siaha.
