PRESS RELEASE
NO.57/2026
SIAHA, 09 Khihpa, 2026 (Pobienoh): Atanoh dawh 01:00 PM khata Puhpa T. Seido, EM i/c Social Welfare, etc., MADC chata a Office chhôhpadâh liata Charity Home liata hriapazy hnohta baona sôh a hlâ ei.
Programme he Rev. Lalchhantluanga, Manager, Agape Home ta Abeipa lâta pavaosana thlahchhâna a hnei.
Puhpa T. Seido, EM, MADC chata, “Social Welfare, MADC heta Quarter to lia heta Charity Home châta sôh chyhta paso tyh pi ta, Charity Home liata ypazy he District Council ta pachâ peimawh kaw ta, tao theipa deikua vaw chyh ngaita ta, atanoh a mohta ta sôh chyhta cha pie khoh pi ta, chavâta eima cha awpakhypa a châ. Nama daihti sôh kawpazy paruapa ta eima châ hawnazy pachâ peimawhpa ta programme miah namâ vaw hlao theipa he eimâ ly hmeiseih,” a tah.
“Charity Home liata hriapazy ei chi he, Abeipa hmiakô liata la nama lymâ hluh kaw ta, nama rônah kaw aw. Chavâta hnabeidy leipa ta tiama kawpa ta hriapazao lymâ awpa ta ei châ haw ei. Rairuna namâ vaw tyhpa chhaota apahnosa lymâ pi ta, eima theina rakha ta eimâ baokhâ lymâ aw,” EM ta a tah.
Atanoh Puhpa T. Seido, EM, MADC ta baona a piepazy:
- Agape Home – Rs. 23,000
- Grace Children Home, College Vaih, Siaha – Rs.18,000
- Charity Home, Saikao – Rs. 14,000
- Kalvary Healing Ministry, Siahatlâh – Rs. 12,000
- Residential Special School, Zyhno – Rs. 13,750
- Orphanage Home, (Salvation), ECM Vaih, Siaha – Rs. 14,250.
Atahmâ lia heta 2025-2026 4th Quarter nata 2026-2027 1st Quarter pie pakaohpa a châ.
Baona sôh hlâna hnei khai tawhta Abeipa thlahchhâna (The Lord’s Prayer) reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
