PRESS RELEASE
NO.56/2026
SIAHA, 03 Khihpa, 2026 (Chutynoh): Atanoh dawh 02:00 PM khata MYA Multipurpose Hall, New Siaha liata Siaha District Badminton Association (SDBA) pachhuahpanohpa EM Cup 2026 Badminton Final Match Programme ahmâhpa châ ta, Puhpa T. Seido, EM i/c Sports, etc. MADC chata Khichhai Laipa châpa ta â hmâkhei ei.
Programme he Puhpa S. Laldinthara, Sr. Vice President, SDBA ta chhihtha ta, Rev. S. Malsawmdawngkima ta Abeipa lâta pavaosana devotion daihti â hmâh.
Puhpa T. Seido, EM chata, “Atanoh EM Sports Cup Tournament patohpatiatuh penawh, SDBA zy hriapasana nata tiamana vâta Programme ahmâh theipa a châpa he, a rônah kawpa ta pahno na ta, nama chô liata alynabie ei reih hmeiseih,” a tah.
“Eima pahno chyupa hawhta, Siaha District he Mizoram liata District uhthei chaipa hry liata sâkha he vaw châ ta, kao to liata hnôh â sypa hawhta miah reih tyh hra ei sala, Sawhkhâ Officers thokha zy, MADC hmahlana vâta, atahmâ cha, hmah thata a sie lymâ.”
“Sports lâ chhochhi cha, Discipline nano nanopazy liata hmah thata sie pi ta, atahmâ cha, Incentive Cash Award eima pie tyhpa hmahta miah akhi khao vei.”
“Kôchareih ta, Sports EM Cup he, ahmâh tyhpa vaw châ ta, sôh rairuna vâta adaih, âkhi lei kawpa ta kôchareih hmâh tyhpa a châ. SDBA Chhihthatuhpazy ta nama nôpo kaw tyh nahta ei pangiasa.”
“Zâkô kha, he su lia cheingei he, keima nata EM Cup Closing Programme kha ahmâh heih pi ta, Nôpaw penawhzy liahsa asaohiahpa ta Budget thiehpa liata cha EM Cup sôh papôh via awpa ta ei reipa kha, hrialâhpenawhzy zawhzi ta, atakô cha, One Lakh ta sopa a vaw châ haw. Aly’pa a châ hmeiseih.”
“SDBA hriapasana zawhzi ta Siaha District he Mizoram liata Badminton liata dua khao ma pi. Player phapa hluhpi eima vaw hnei lymâ haw bâ. He he adaih thlâh ha leipa ta, hmiahlâ tôh via lymâ awpa ta ei cha pasyu ei. Siaha District thâ papha lymâ awpa ta khâ achhuah teh u.”
“Zâkô kha, Mizoram District zydua Cricket Tournament Siaha liata vaw pahnieh ei ta, SDCA chhihthatuh penawhzy tiamana vâta nata CEM Puhpa M. Laikaw apasaihna vâta District to liata Hospitality kyh liata eima thâ a pha ngâsâ.”
“Atakô chhao he Badminton Inter-District Tournament Siaha liata pahniehpa a châpa ta pahno na ta, â dopa ta a châ khiahta cha, Siaha District moh papha khâchâ achhuah muh vy.”
“A chhâ chaina liata cha, he EM Sports Cup heta apôhkhana nata hriaparaohna phapa tao sala, he tournament hmâpa heta, aly kawpa ta daihti ahmâh chyu awpa ta khokheina asâh chaipa ei cha hlâ chyu ei,” tahpa ta Khichai Laipa ta pasyunabie pha kawpa a reih.
Khichhai Laipa ta Phusâ Rs. 5,000/- SDBA hnohta a hlâ pâ hra ei.
Puhpa L. Mahu, President, SDBA chhaota pasyunabie pha kawpa reina a hnei hra.
EM Cup 2026 Badminton Match akhaih theipa (participants) zydua he 159 ama châ.
Laihsa Priscilla Nôtlia nata Zodinpuii zy ta pahnie kawpa ta hlasapa ta zawpi ama palôhpahawh.
Puhpa Lalrintluanga Pachuau, Committee Member, SDBA nata EM Cup 2026 Badminton Match liata Chief Referee ta report piena a hnei.
E.M. Cup 2026 – Final angia theipazy:
- J. VL Pekchungnunga Vs Valrova — Court No. 1 — 11:30am — Category: 35+ Singles
- V. Zorinpuia & Tluanga Pachuau Vs J. Sanglura & Rev. Sumeon — Court No. 1 — 12:00 noon — Category: 45+ Doubles
- Sena FL & Bitea Vs Lalpaa Solo & Beitha — Court No. 1 — 12:30pm — Category: Men’s C
- Ismael & Sumeon Vs HC Vabeichono & Pasia Lapi — Court No. 1 — 1:00pm — Category: 35+ Doubles
- Laldinchhunga & Tharthari Vs KT Vabeikhokhei & Tawitawii — Court No. 1 — 1:30pm — Category: Mixed Doubles (X.D.)
- TT Kholaw & Khumtira Vs L. Mahu & K. Chhihrau — Court No. 1 — 2:00pm — Category: 50+ Doubles
- Ismael Azyu & Andrew Khithie Vs Obet VT Lalrinsanga & HC Vabeichono — Court No. 1 — 2:30pm — Category: Men’s Doubles (M.D.)
- Tharthari & Rinhlui Vs Awiawii & Kuno-i — Court No. 1 — 3:00pm — Category: Women’s Doubles (W.D.)
- V. Lalhmingmuanpuia Vs Terence — Court No. 1 — 3:30pm — Category: Under-17 Singles
- Obet VT Lalrinsanga Vs Simon Lalremruata — Court No. 1 — 4:00pm — Category: Men’s Singles (M.S.).
Puhpa T. Seido, EM he official lâ tawhta Puhpa H. Beiradua, SWO, Puhpa VT. Martin Vabeiduakhei, ASPO, Puhpa Pawsa Lava, Asst. I&PO, Puhpa K. Nehemia, I&PD, Elvina B. Lalhmangaihzuali, PA to EM (Sports) nata NT. Pawngia, Sports Department, MADC zy ta ama zi.
ISSUED BY:
Information & Publicity Department
Mara Autonomous District Council
Siaha.
