PRESS RELEASE
NO.83/2026
SIAHA, 30 Thlarâh, 2026 (Pakhynoh): Atanoh zâlâ dawh 2:00 PM khata KMC Vocational School of Education, College Vaih – II, Siaha liata Industries Development Department, MADC pachhuahpanohpa Felicitation Programme for Diploma in Fashion Designing Trainees ahmâhpa châ ta, Puhpa MH. Tiabi, EM i/c Industry, etc. MADC chata Khichhai Laipa châpa ta â hmâkhei ei.
Programme he Puhpa John VT. Hniehu, IDO, MADC ta chhihtha ta, Pihnô K. Genevieve, IEO (H), MADC ta Abeipa lâta pavaosana thlahchhâna a hnei.
Puhpa MH. Tiabi, EM, MADC chata, “Zâhnia tliata lia khiahma Diploma in Fashion Designing pahyna programme eimâ hmâh tah na ta, atanoh cha vaw patlô ha ei chi ta, nâmo nama design pa cheingei ta a vaw tobi ei chi ta, design a vaw lyu tlâ leipa ta, a vaw ngia kaw sai ei chi ta, hmiah tôh hmeiseih ei chi ta, aly’pa a châ hmeiseih,” a tah.
“MA Economics ei pass tawhta atanoh taih châ ei chu ngâthlâh. MA ei patlô thaohta no nata atahmâ ei pahnona â hlie kaw. Atahmâ avaw chu patlô ha ei chi ta, design chi nano nanopa tao dâh thai namâ chhuah lymâ awpa a châ.”
“Atahmâ khizaw lia la ano na atobina chysia a design thai e tahpa ama pahno khiahta la sôh (Tâkâ) liata rairuna hnei tlâ khao veih ei. A mâ ru nata ru lei liata bua tlâ khao leipa ei ta, design angiapa nata comfortable kawpa kha ama khoh.”
“Sôh nah thih eima rai ru tu ta tah awpa châ vei. A tiamapa maih sôh nah thih la hluh ei. Khizaw liata hneirôh chaipa Elon Musk chhao kha USA a vaw pangai thaohta no ta la, Room tatawpata tlôh ta, tiama kawpa ta raihria ta atahmâ cha khizaw liata hneirôh chaipa a vaw châ haw. Chavâta, rairuna nata Tâkâ (Sôh) rairuna he tiamana a pakhâsa lei awpa a châ. Khizaw liata hneirôh kawpa hluhpizy he riethei kawpa tawhta kaw tiama hualua lymâ ei ta kaw hneirôh kawpa ama châ.”
“Atobina lia heta design thiehpa pua ngâthlâh ta, chavâta tiama papua lymâ u la, design dâh thiehpa thai via lymâ namâ chhuah lymâ awpa a châ.”
“Khazohpa ta khizaw liata hneirôhna soh khai ta, hneirôh awpa heta degree asâh kawpa hnei ngâ kaw byuh hlei vei, a tiamapa châ deita a châ. Hneirôh nama khoh khiahta la tiama kawpa ta rai nama hria awpa a châ,” tahpa ta Khichhai Laipa ta pasyunabie pha kawpa a reih.
Puhpa LH. Thatha, Principal, KMC Vocational School chhaota biereina a hnei hra.
Pihnô FC. Zerusalemthari nata R. Laltanpuii ta Trainees zy vyuhpa ta biereina ama hnei hra.
Diploma in Fashion Designing course achuna liata Faculties zy cha:
- Ng. Beinongia
- TT. Jacqueline
- B. Nudi
- T. Tamari zy ama châ.
Diploma in Fashion Designing course achu patlôpa ta Certificate alapazy:
- P Ladintluangi
- M Varangia
- Loisy K Lalrinngheti
- Lalsiamliani
- Delila Beihrozi Azyu
- Lalruatfeli Azyu
- Lalrinsangi
- Lalhmingmawii
- K. Kypachareizi
- Jonita Lalchawimawii Tlau
- Jessica Vulmawii Solo
- Fc Jerusalemthari
- Jenely C Vapawngia
- Fc Bethsy
- Doris lalhmangaihzuali
- Digate
- B Lalmuankimi
- Unisi
- T Elicia Lynapawpi
- Stacy H Ngohnei
- Rohluzuali
- Rebecca Lalchhuanawmi
- R. Laltanpuii
- Penticos Hmingthanmawii
- M Lucy Byhnaki
- Vency Lalhmangaihsangi
- S Beiphazi.
Thla palih (4) chhôh amâ chu khai tawhta 27 ta amâ chuna patlôpa ta certificate ama la.
Amâ chuna sôh hryuhna zydua he Industries Development Department, MADC ta amâ tôhpa (Sponsored) khai.
ISSUED BY:
Information & Publicity Department
Mara Autonomous District Council
Siaha.
