PRESS RELEASE
NO.79/2026
SIAHA, 23 Thlarâh, 2026 (Pakhynoh): Atanoh zâlâ dawh 1:00 PM pa ta Puhpa T. Seido, EM i/c Social Welfare, etc. MADC chata Siaha Khihchhôh liata Home-zy tly ta baona a pie pâ chyu ei.
Puhpa T. Seido, EM, MADC chata, “Calvary Healing Ministry, Siahatlâh liata ypazy hnohta pasyunabie pha kawpa reina hnei ta, he liata ypazy ei chi he thyudyupa, cha moh ei na ta nama thatlô hmi kaw sai ta, paritheipa taopazy lyu veih ei chi. Cha hnaihta, a pachapaw saw sa ta, riah apaphasa ta, riapha kawpa ta paritheipa namâ râsai awpa ta ei cha pasyu ei,” a tah.
“Paritheipa nama taopa he nama khoh kaw vâta taopa châ leipa ei chi ta, tao tlamawpa a châ nahta ei pangiasa. Cha hnaihta, paritheipa tlaita chyhsa hmia miah pakhasa leipa ta miah tao ta tahpa ta chapaw saw kawpa ta nama siesai awpa a châ.”
“Nâmo hlâta paritheipa iahzai hapazy chhao hmahta ama pathleih thei khiahta la, nâmo chhao nama pathleih thei lei n’awpa y vei. Chavâta, vaw tao tlamaw ha hra u la, riahpha kawpa nata chapaw saw kawpa ta nama pathleih, nama siesai awpa he a peimawh ngaita kaw.”
EM chata Grace Children Home liata hriapazy hnohta biereina hnei hra ta, “He su liata hriapazy ei chi he, hawti nô nata paw hnei khao leipa zy, nô nah paw ta sawzy mohôh thei khao leipa vâta ypazy châ ei ta, chavâta pathluana hnei leipa nata kyhpachâna hnei kawna chôta nama mohôh awpa he peimawh kaw ta, cha hawhta mohôh awpa cha Khazohpa khozie chhao a châ,” tahpa ta pasyunabie pha kawpa a reih.
Calvary Healing Ministry liata mohôh haipazy he 17 châ ei ta, chapaw sai ama châ. He lia heta chyhsa 15 y awpa ta ryhraopa châ ta, Rakhô chhao 15 y ta, peimawhna vâta acha-ie kawpa ta pahrawh hleisari (17) ama paysa. He Home mohôhtuhpazy he 15 y ei ta, regular kawpa ta mohôhtuhpazy cha pachaki (9) châ ei ta, Nurse regular kawpa ta mohôhtuhpa cha pakha (1) châ ta, nurse part-time ta hriapa pakha (1) a châ.
Machâ K. Zachiangi, CHM chhaota pasyunabie pha kawpa reina a hnei hra.
Grace Children Home liata hriapa Staff 11 y ei ta Inmates 20 ama y.
Orphanage Boys Home lia heta mohôh haipa 21 y ei ta, hriatuhpa 10 (Pahrawh) ama y.
Puhpa T. Seido, EM, MADC chata Social Welfare Department, MADC sôh tawhta Calvary Healing Ministry, Siahatlâh Rs. 6,000 (Sâhcharu) pie ta, Grace Children Home, College Vaih Rs. 10,000 (Thykha), Orphanage Boys Home, ECM Vaih Rs. 6,750 (Sâhcharu zasari nata sypangawh) a pie.
Puhpa T. Seido, EM he Official lâ tawhta Puhpa Pawsa Lava, Asst. I&PO, MADC, Laihsa K. Jenny, LDC, Social Welfare Dept., MADC nata Puhpa K. Nehemia, I&PD, MADC zy ta ama zi.
ISSUED BY:
Information & Publicity Department
Mara Autonomous District Council
Siaha.
