PRESS RELEASE
NO.76/2025
SIAHA, 01 Khihpa, 2025, Hriaheinoh – Atanoh dawh 2:00 PM khata Pihnô S. Lalmuanpuii, Sr. LAO, MADC ta a Office chhôhpadâh liata Local Poultry Farmers’ Association chhihthatuhpazy nata Siaha khihchhôh liata awhsa zuahtuhpazy meeting a hneikhei.
Pihnô S. Lalmuanpuii, Sr. LAO chata, MADC Executive Committee ta a paryhsapa hawhta sa hri-iah pathaih leipa tawhta Siaha District zawpi amâ boh thei n’awpa nata sahroh zao ta, nietluapazy deichhy (support) n’awpa ta, Rule 8 (1)(d) of Mara Autonomous District Council (Market & Sale Taxes) Regulation, 2024 bie atlychakapa ta Siaha District chhôh liata awh (poultry) thie chiehpa FSSAI Certified seal / label a hnei leipa maih cha, pahnosa chiehpa hawhta, pakhâna order a pua noh tawhta lapangia (import) pasaipa a châ khao leina zie a pahnosa chanei.
He chôchâh liata LAD ta order a papua chiehpa papeisa leipa ta, awhsa lapangia raruahpa nata azuah raruahpazy cha Rule 13 (1) & (2) of Mara Autonomous District Council (Market & Sale Taxes) Regulation, 2024 dâh hawhta hriepa/action lapa ama châ aw, a tah.
Sr. LAO chata driverzy chhaota he order he pachâ peimawhpa ta awh thie chiehpazy Kheihawhpa motor lia rai ta phaoh tlâ lei awpa ta ahawna a tao.
Sr. LAO ta a reih pazaona liata a thai penawhzy reina dâh hawhta awhpinô typhoid veipa ta awhtih lâ taih typhoid hri he pakiapachhuah thei lymâpa a châpa vâta poultry farmers ahyrai ta cha hawhpa cha ama zuah lei n’awpa ta ahawna a tao hra.
A bierei chhâna liata Mararâh zawpizy ta awhsa hri-iah pathaihpa ama nie thei n’awpa ta Department hmahlana he tha patlô (support) chyu awpa ta ahawna a tao.
He meeting lia heta official lâ tawhta Puhpa Henry PL Hnaihly, LAO, MADC, Puhpa C. Mochônô, ALAO, MADC, Puhpa HC. Dinga ASO, Puhpa Pawsa Lava, AITO, MADC nata Puhpa B. Mawtha, SI, MADC zy amâ hlao hra.
ISSUED BY:
Information & Publicity Department
Mara Autonomous District Council
Siaha.
