AIZAWL, 15 Pachawh, 2026 (Pakhynoh): NABARD Regional Office, MINECO, Aizawl liata Pihnô N. Maki, Deputy Registrar of Cooperative Societies (DRCS), Mara Autonomous District Council, Siaha nata Puhpa NS. Beihruasa, Cooperative Audit Officer (CAO), Mara Autonomous District Council, MADC, Siaha zy cha National Bank for Agriculture and Rural Development (NABARD) ta raihria phapa alyna châta Certificate of Appreciation a hlâ ei.
He Certificate of Appreciation ama hlâna chhâpa cha, kô 2025-2026 chhôhta Mizoram pôhpalôhpa liata Multipurpose Primary Agricultural Credit Societies (MPACS) 119 padua awpa ta Cooperation department nata NABARD zy hriaparaohpa ta target taopa châ ta, Cooperation department, MADC chhao target châta MPACS 10 padua hra awpa ta tahpa ama châ. District hropazy taozie hawhta Siaha District châta NABARD liata Resource Person hiana taopa châ ta, daihti taihpa chhâ chy hâta ei 2 byuhpa liata Resource Person cha Siaha District châta sopa châ ta, hâta ei 2 chhôhta Cooperation Department, MADC ta MPACS thiehpa sâ 11 padua hmâ ta, target sâkha (1 ) ta ama khô. He hawhta ama hria phana nata phahnaingiahnazy vâta NABARD tawhta Certificate of appreciation he hlâpa ama châ.
He Certificate of Appreciation he Shri Udit Prakash Rai, IAS, Commissioner & Secretary to the Government of Mizoram, Cooperation Department ta a hlâ ei.
