PRESS RELEASE
NO.80/2026
SIAHA, 24 Thlarâh, 2026 (Pobienoh): Atanoh dawh 12:30 PM pa ta Puhpa H. Zathangliana, VCP O, Thiahra khih liata Thiahra Forest Beat pahyna programme ahmâhpa châ ta, Puhpa M. Laikaw, Hon’ble CEM, MADC chata Khichhai Laipa châpa ta Forest Beat a pahy.
Programme he Puhpa Vabeikhaihmo Solo, Conservator of Forests, MADC ta chhihtha ta, Machâ S. Mawsi, ECM Local Church, Thiahra Awnano Hyutuhpa ta Abeipa lâta pavaosana thlahchhâna a hnei.
Puhpa M. Laikaw, Hon’ble CEM, MADC chata, “Thiahra khih liata Forest Beat pahy theipa a vaw châpa he aly â chhih hmeiseih,” a tah.
“Thiahra khih he râhri a châpa vâta Forest Beat a y awpa he peimawh kaw ta, atanoh Thiahra khih liata Forest Beat pahy theipa a vaw châpa he aly â chhih hmeiseih. Pabohsana (Protection) a vaw pha via lymâ thei n’awpa a châ.”
“Râh, Khihtlâh hmahsie n’awpa heta hriaparaohna phapa he peimawh kaw ta, VC, NGO, Awnanopa, etc chhihtuhpa ahy rai châ ei sa la, adeichhy thai ta, hriaparaohna phapa hneipa he pha chai ta, hmahsiena chhao a châ hra.”
“Khataih lia rai, khâpa su lia rai y sih la, chhihtuhpa deichhy achhuah leipa ta, reipachhie sai eimâ chhuah thlâh hapa a châ khiahta la, hmahsiena y thai leipa ta, adyryhna y thai hra vei.”
“Râh chhihtuhpa atlyhna liata chhao ahy he ma râh kyhpachâ ta, ahy he maw râh hmahsie n’awpa ta lathli hmâh thai, patuapaluana hmâh thai, ahy he maw atlyhpatloh sih la, râh kyhpachâ hmeiseih ta, râh châta tiama aw tahpazy he sai thai kaw’pa a byuh.”
“Thiahra khihtlâh lia heta paritheipa adyuhna kyh lia heta tiama papua u la, nama lâthlôh he paritheipa phaona lâthlôh châ leipa sa la, paritheipa y leina khih vaw châ sala tahpa he kho achhih chai ta, cha hawhpa khih cha nama pachâsa awpa he a peimawh ngaita kaw,” tahpa ta CEM ta pasyunabie pha kawpa a reih.
Puhpa Tiahlei Syuhlo, EM i/c Forest, etc. MADC chhaota biereina hnei ta, “India sawhkhâ ta râhsa pabohsapa he papeimawhsa kaw ta, cha hnaihta sa ka ta sachawhpa zuapazy he tao khao lei awpa a châ. Nama râh pabohsapa he pachâ peimawh u la, keimo Forest Department liata hriapazy pi ta, nama râh pabohsa awpa ta eima cha chho ngâthlâhpa he keimo châta châ leipa ta nâmo châ a châ. Amôtlâh tawhta Thiahra khih likawh vâro roadside plantation tao hapa châ ta pazao via lymâ achhuahpa a châ,” a tah.
Amôtlâh biatuhpa Puhpa HC. Lalmalsawma Zasai, MDC chhaota pasyunabie pha kawpa reina a hnei hra. Puhpa B. Dawpho, MDC chhaota biereina a hnei hra.
Puhpa J.S. Beizawzilai, Advocate nata Puhpa H. Zathangliana, VCP, Thiahra chhaota biereina ama hnei hra.
Puhpa Beichatlaisa Azyu, Asst. Conservator of Forests, MADC ta hmiapahnosana a hnei.
Laihsa Teresa Ngianô Hlychho nata Laihsa Clara K. Melita zy ta pahnie kawpa ta hlasapa ta zawpi ama palôhpahawh.
Pihnô A. Nelly, MDC, Puhpa Lalramnghaka Chinzah, Kawl Eng Editor nata Puhpa Az. Sa-u, President, Yava Morcha, BJP Siaha District zy ta CEM ama zi thei hra.
Puhpa M. Laikaw, CEM he Official lâ tawhta Puhpa Vabeikhaihmo Solo, Conservator of Forests, MADC, Puhpa Jimmy N. Ramdina, Dy. Conservator of Forests, MADC, Puhpa Beichatlaisa Azyu, Asst. Conservator of Forests, MADC, Puhpa H. Vabeikhai, Court Officer, MADC, Puhpa Pawsa Lava, Asst. I&PO, MADC, Puhpa NT. Beithlapalo, Forest Range Officer, MADC, Puhpa K. Nehemia, I&PD, MADC, Puhpa FC. Minela, MADC nata Puhpa Lalnunfela NK, PSO to CEM zy ta ama zi.
Environment, Forest & Climate Change Department, MADC tawhta programme ahlao theipazy: Puhpa PK. Miehlô, Cashier, Puhpa Vabeihalai Nôhro PA to EM (F), K. Zohmingi, LDC, S. Zithari, LDC, M. Beikypachasô, K. Obeda, Nick Mopathalua, TT. Irisha, Mimi, Merry, N. Ngiapaw Khaizahma nata Field Staff zy chhao vâro programme amâ vaw hlao thei hra.
Puhpa Jimmy N. Ramdina, Dy. Conservator of Forests, MADC ta vote of thanks reina a hnei.
ISSUED BY:
Information & Publicity Department
Mara Autonomous District Council
Siaha.
