PRESS RELEASE
NO.59/2026
SIAHA, 22 Khihpa, 2026 (Pakhynoh): Atanoh dawh 10:30 AM khata MADC Session Hall liata târi 22-23 Khihpa, 2026, noh 2 chhôh atyuhpahmaoh awpa Mara Autonomous District Council (MADC) Monsoon Session, 2026 cha Puhpa N. Viakhu, Chairman, MADC chhihthana ry liata pathaopa a châ.
Daihti pathaona liata Chairman ta Khazohpa Biehrai Pathaihpa Hlazy 105:1 reipapuana hnei ta, he khai tawhta atakô Monsoon Session Abeipa lâta pavaosana hnei awpa ta a raopa Puhpa N. Zakhai, Adviser to CEM ta thlahchhâna a hnei.
Chairman ta Monsoon Session 2026 Panel of Chairpersons châta Puhpa Nahlo Solo, Chairman, Town Committee, MADC nata Puhpa H. Malvina, MDC zy a rao ei.
Atakô Monsoon Session atyuhpahmaohna liata Starred questions (pakah ta achhy awpa) sâ 11 y ta, unstarred questions (ropa ta achhy awpa) sâ 5 a y. Unstarred questions zy he member-zy atyuna dawkâh liata achhy chiehpa ta sopa châ ta, starred questions sâ 11-pazy he atyuhpahmaoh daihti noh 2 chhôh liata hiahrina nata achhyna tao khai achhuahpa a châ.
Myrâh liata List of Business for Monsoon Session 2026 hawhta hiahrina nata achhyna daihti ahmâhpa châ ta, atanoh liata sâ 6 hiahrina nata achhyna hnei patlôpa a châ. Zâlâ liata Bills zy introduced pa a châ. Cha nahzy cha:
Official Bills:
- The Mara Autonomous District Council (Taxes on Entry of Goods into Market) Bill, 2026.
- The Mara Autonomous District Council (Money Lending and Control) Bill, 2026.
- The Mara Autonomous District Council (Village Councils) Bill, 2026.
He Bills zy he târi 23 Khihpa, 2026 atyuhpahmaoh pazao daihti liata pass achhuahpa a châ.
He Monsoon Session, noh 2 chhôh ô awpa he my dawh 10:30 AM tawhta 4:00 PM taihta hnei tyhpa châ aw ta, dawh 1:00 PM – 2:00 PM dawhkha chhôh apahâna daihti châta hmâh awpa a châ.
ISSUED BY:
Information & Publicity Department
Mara Autonomous District Council
Siaha.
