PRESS RELEASE
NO.37/2026
SIAHA, 27 Pachawh, 2026 (Hriatuanoh): Atanoh 11:30 AM khata MADC Golden Jubilee Hall, Siaha liata Puhpa K. Vanlalliana, Executive Secretary, MADC chata LAD Department, MADC liata hriatuhpazy hnohta alynabie reina nata pasyunabie reina programme â hmâkhei ei.
Programme he Pihnô S. Lalmuanpuii, Sr. LAO, MADC ta chhihtha ta, Puhpa C. Mochono, ALAO, MADC ta Abeipa lâta pavaosana thlahchhâna daihti â hmâh.
Puhpa K. Vanlalliana, ES, MADC chata, “Urban Development & Poverty Alleviation Development, Government of Mizoram under Swachh Bharat Mission (Urban) ta Mizoram Cleanliness Competition 2025 Category – 11 (District Headquarters) a pachhuahpanohpa liata Siaha khihpi (Town) cha sâkhana (1st Rank) lymâ dao pi ta aly’pa a châ hmeiseih,” a tah.
“Pathaihna lâta sâkhana lymâ dao theipa eima châpa he aviapachaipa ta LAD sweepers (Sanitation workers) zy hriapasana nata tiamana vâ châ ta, nama chô liata ei ly hmeiseih.”
“Chyhsa ta nama hmahlana nata tiamana zawhzi ta Siaha khihpi ta Mizoram Cleanliness Competition 2025 liata sâkhana lymâ la pi ta, nama taopha dâh tahpazy ta alynabie na hlâ ei ta, kei ta khâpa hmah tao leipa na ta LAD sweepers (Sanitation workers) zy hriapasana nata tiamana vâ deita ta lymâ a la theipa eima châ.”
“Siaha khihpi ta Mizoram Cleanliness Competition 2025 liata pathaih chaipa châta atlyhpa a châpa he Pihnô S. Lalmuanpuii, Sr. LAO, MADC, LAD Department liata ahriatuhpazy nata Mararâh liata apahrâpazy tiamana nata hriapasana vâ deita a châ. Aly’pa a châ hmeiseih,” tahpa ta ES ta pasyunabie nata alynabie a reih.
Puhpa John Beizachhi Phuto ta pahnie kawpa ta hlasapa ta zawpi a palôhpahawh.
ISSUED BY:
Information & Publicity Department
Mara Autonomous District Council
Siaha.
