Puhpa S. Lalremthanga, Hon’ble Dy. CEM, MADC ta Tipa liata Lyuva Khutla Cha-ypi 2026 Programme hmâkhei

by in News in Mara

PRESS RELEASE
NO.17/2026

SIAHA, 13 Hmypi, 2026 (Chutynoh): Atanoh my dawh 11:00 AM khata Centenary Square, Tipa liata Lyuva Khutla 2026 Programme âhmâhpa châ ta, Puhpa S. Lalremthanga, Hon’ble Dy. CEM, MADC chata Azipa châpa ta â hmâkhei ei.

Programme Chhaihkhana he Puhpa HC. Lalropuia, Chairman, Lyuva Khutla Organising Committee ta chhihtha ta, Machâ C. Viatha, Awnano Hyutuhpa, ECM T. Canaan Local Church ta Abeipa lâta daihti pavaosana thlahchhâna a hnei.

Azipa Puhpa S. Lalremthanga, Hon’ble Dy. CEM, MADC Speech:

Atanoh Lyuva Khutla, eima cha-ypi rônah chaipa nata Marapa ta eima pasô chaipa ku ahmâh awpa ta â vypa zydua, su nano nanopa, TV nata Youtube tawhta miah avaw hlaotuhpa zydua a hmiatua ta kô 2026 Lyuva Khutla Samaw cha hlâ ei na ta, alypa nata thapa ngaita kawpa ta he eima cha-ypi rônah chaipa he ahmâh chyu awpa ta khokheina ei cha hlâ ei.

Marapa sawzy ta eima manô-mapaw daihti tawhta cha-ypi nano nanopazy hnei pi ta, chazy hry liata rônah chaipa nata eima pasô chaipa cha atanoh ta eimâ hmâ ngâhaipa Lyuva Khutla he a châ. Krizyhna ta eima râh â vaw ngia tawhta eima cha-ypi hmâna dâhzy chhao eima zyhna nata â chaka lei awpa ta ryhraonazy taopa ta ahmâh tyhpa a châ hra.

He Lyuva Khutla he Lyuva khai tawh, lyu rao hlâta rai khia â vâh chaina daihti liata ahmâh tyhpa a châ. Eima manô-mapawzy khata kô 400 rachhôh a khô hapa tawhna khata he cha-ypi he ama vaw hmâh pathao hapa ta reipa châ ta, atanoh taihta eimâ hmâh pazao lymâpa a châ. Lyuva raihria rietheichhih ngaitapa nata chichhih ngaitapa hry tawhta âboh kawpa ta Lyuva ama patlô theipa alyna châta he cha-ypi he vaw hmâh tyh ei ta, ama pasô hleikhô ta ama pasâhsa ngaita kaw tyh.

MADC chhaota he cha-ypi he eimâ phana rakha liata a rônah thei chaina hawhta hmâ tyh pita, Siaha, Tipa nata Aizawl su liatazy Marapa sawzy ta kô chareih ta eimâ hmâh tyhpa a châ. Zâkô ta Tipa liata Lyuva Khutla eimâ hmâh leina chhâpa kha hmo hropa vâ châ leipa ta, Siaha su liata Lyuva Khutla maniah vaw hmâkhei awpa ta Khasi Autonomous District Council zy hrua pi ta, zawpi ahluh thei chaina hawhta palôraoh kawpa ta Siaha su liata hmâkhoh khai ei sih la tahpa khona vâta Tipa liata cha-ypi ahmâh khao leipa kha eima châ. Anodeikua a daihti chy dâhdei liana khata Khasi Autonomous District Council zy lâ tawhta rypaoh leina vâta ama bie kaw phie ha heih ei ta, Tipa su liata ahmâh thei khao leipa kha eima châ.

Atahmâ tawhta cha Lyuva Khutla, eima cha-ypi rônah chaipa, eima Mara châna nata hrozie apalâsatuh chaipa he zôpha viapa nata rônah viapa ta ahmâh lymâ awpa he MADC palôhrupa nata eimâ chhuahna dâh a châ. MADC Circle Administrative Office a yna Vahia zy Châkhei liatazy chhao eimâ hmâh thei daihti a y nahta eima hnabeiseih hra.

Mara sawzy ta he eima cha-ypi ‘Lyuva Khutla’ he cheihchalopa ta pasô via rili lymâ ei sih la, Marapa eima chânazy pabohsa lymâpa ta eima chei-ô khochhihpa nata ângia ngaitapazy chyhsa hropa pahmô thei awpa ta pâlâsa lyma ei suh vy.

12th term MADC ta eima chi nata pho eimâ bohna nata laiseih via lymâna châta rai eima hriapa (achievements) peimawh viapa thokhazy palâsa tua ei sih la, chazy cha:-

ACHIEVEMENT OF 12th TERM THE MARA AUTONOMOUS DISTRICT COUNCIL

  1. MADC’s Golden Jubilee Hall at MADC Complex, Siaha cha târi 20th December, 2023 pa ta zawpi hmâ thei awpa ta pahypa a châ.
  2. Phura liata Agriculture Site Office cha târi 1st December, 2023 pa ta pahypa a châ.
  3. Châkhei khih liata Circle Administrative Office cha târi 19th November, 2025 pa ta pahypa a châ.
  4. Palâ Tipo liata Mini-Hydro Electricity cha târi 30th November, 2023 pa ta pahypa a châ hra. He Mini-Hydro Electricity hmâpa heta khih chheipâhzy Electricity pie papua thei awpa ta hmahla haipa a châ hra.
  5. Mara thyutliapazy ta amâ cheih leipa ta computer amâ chu thei n’awpa ta NELIET Study Centre at MADC Complex, Siaha cha târi 5th October, 2023 pa ta pahypa a châ.
  6. Eima râh hmah asie via lymâ n’awpa châta peimawh kawpa Taxation Wing under MADC, Siaha cha târi 27th June, 2024 pa ta pahypa a châ.
  7. AH & Vety Department, MADC ta chhao Cattle Farm hmah pasiesa via lymâpa ta atahmâ he seih (cow) 26 hnei hai ta, Mara zawpizy nutrional support piena châta sâhpiti chhao subsidized rate ta a peimawhpa zy hnohta raih pazao lymâpa a châ.
  8. Fashion Designing liata eima râh hmah eima sie via lymâ n’awpa ta MADC ta hmahla tyh hra ta, Vocational School of Education nata hriaparaohpa ta thla charu Dilpoma Course asaipa ta akhohpazy pachusa tyhpa a châ. Atahmâ he chyhsa 31 tlai ta diploma course he MADC sponsor na ry liata ama patlô haw.
  9. Maintenance & Repairing of the following internal Roads in Siaha District:

i. Between Auxillium School to Old Diet Training Centre.

ii. Between BRTF Road Via V. John’s House to College Vaih North Local Church approach Road.

iii. Between ECM Vaih Local Church to K. Beila Farm.

iv. Between Helipad to MADC’s Guest House, Siaha.

v. Between K. Beichhua’s Residence to Near Bara No house.

vi. Between Tisi to Siata Villages.

  1. MADC ta a ry liata palâsapa châbuzy a papua ha hra:

1) The Mara Customary Law.

2) MADC Inheritance of property Act 2024.

3) The MADC Marriage and Divorce Act 2024.

  1. Legal Awareness Campaign chhao zawpizy hnohta pie tyhpa a châ.
  2. Competitive Exam a hmiachhy haipazy chhao MADC ta palôh lia â thei ngâthlâh ha pi ta, MPSC Prelims a passed pazy hnohta Incentive Cash Award tlaw ₹ 20,000 (Thyno) eima pie tyh hleikhô ta UPSC Prelims a passed pazy hnohta ₹ 1,00,000 (Thyhraw/One lakh) pie tyhpa a châ.
  3. Minor Irrigation works: Ku raihriapa – lyu nata sahdô a taopazy ta ama kuhria a pôh via thei n’awpa ta MADC ta hmahla pazao lymâ pi ta, ku raihriapa chyhsa 39 zy hnohta Irrigation infrastructure taopapa ama châ. He heta ama kuhria chichei-bialopa nata âhnalasipazy thata a papôh tahpa pahno pi ta eimâ ly ngaita kaw hra.
  4. Lower Division Clerk nata Upper Division Clerk zy training.

Tȃri 18.11.2024 to 22.11.2024 liata Lower Division Clerk nata Upper Division Clerk zy chȃta training on Preparatory course for Departmental Examination hlaotloh kawpa ta hneipa chȃ ta, Lower Division Clerk zy chȃta Departmental examination chhao tȃri 07.08.2025 noh ta hlaotloh kawpa ta pachhuahpanohpa a chȃ hra.

  1. Primary School Teacher written examination.

Primary School Teacher (127 Posts) pabie awpa ta tȃri 29.07.2025 noh ta written examination chhao Department of Personnel & Administrative Reforms ta hlaotloh kawpa ta a pachhuahpanoh hra.

  1. Middle School Teacher nata UPS Teacher written examination.
    Middle School Teacher (54 Posts) nata UPS Teacher (45 Posts) zy pabie awpa ta tȃri 31.07.2025 noh ta written examination hneipa chȃ ta personal interview chhao patlô daihmȃpa a chȃ hra.
  2. Group ‘B’ (Non-Gazetted) Technical written examination.
    Group ‘B’ (Non-Gazetted) Technical – Assistant Agriculture Inspector (2 Post), Assistant Fishery Officer (1 Post), Inspector of Schools (2 Posts) nata Junior Engineer (2 Posts) zy pabie awpa ta tȃri 20.10.2025 nata 21.10.2025 nohta written examination hlaotloh kawpa ta pachhuahpanohpa chȃ ta personal interview chhao hnei khaipa a chȃ hra.
  3. Group ‘B’ (Non-Gazetted) General written examination.
    Group ‘B’ (Non-Gazetted) General- Translator (1 Post), Circle Revenue Inspector (1 Post), Inspector of Taxes (1 Post) nata Circle Officer (1 Post) zy pabie awpa ta tȃri 15.11.2025 nata 17.11.2025 nohta written examination hlaotloh kawpa ta pachhuahpanohpa a chȃ hra.
  4. Ministerial service nata Assistant Sanitary Inspector written examination:
    Assistant (1 Post), Upper Division Clerk (1 Post), Lower Division Clerk (1 Post) nata Assistant Sanitary Inspector (1 Post) Circle Administrative Officer’s Office, Vahia liata a ruapa pabie awpa ta tȃri 16.01.2026 nata 17.01.2026 noh ta written examination hlaotloh kawpa ta pachhuahpanohpa a chȃ hra.

MADC’s Project approval pie chiehpazy:

A. Under PMJVK:

  1. Construction of Public Market cum Multipurpose Centre and Women Facilitation Centre at
    Tipa ‘V’ Amounting to ₹ 4. 00 Crore.
  2. Construction of Maraland Centenary Hospital at Siaha – ₹ 55.6 Crore.
  3. Construction of New School Building in MADC area – ₹ 5.76 Crore.
  4. Infrastructure Development under School Education Department – ₹ 8.5956 Crore.
  5. Construction of Multipurpose Community Hall at Siaha – ₹ 8.324 Crore.
  6. Construction of Mara Tribal Girls’ Hostel at Zotlang Aizawl – ₹ 8.07 Crore

B. Under Article 275 (1); Ongoing Project of:

  1. Construction of Mara Tribal Girls’ Hostel” at Kausik Enclave, New Delhi, amounting to ₹700. 00 lakh.
  2. Construction of Multi-disciplinary Centre at Meisavaih – ₹ 600. 00 Lakh

C. Under SASCI :

  1. Constructed Cold Storage Building at Kaochao East – ₹ 74.7 lakh.
  2. Constructed Spice Grinding Unit Building at Tokalo – ₹ 31.6 lakh.
    He a chô liata ei palâsapazy hleikhô ta Rules, Act nata Amendment zy khazie lei châ ma taopa châ ta, MADC amohôhna a vaw siahlia via thei n’awpa nata a pha via lymâ thei n’awpa ta dâh nata phôh nano nanopazy taopa a châ hra.

A chhâ chaina liata cha, Puhpa M. Laikaw, Chief Executive Member chhihthana ry liata 12th Term MADC heta Mararâh zawpi nata eima râh hmahsie via lymâna châta eima theina zydua papuapa ta rai eima hria lymâ tahpa khâchâ maniah pahnokhei awpa ta atanoh he su liata zawpi â vypa zydua nata Marârâh zawpizy ei cha hrua ei.

Abeipa ta Marârâh byhnâ pie mawh sy!

Ei châ ly kaw ei.

Er. Viasai Solo, Senior EE PHED, Siaha chhao Khyhby châpa ta Lyuva Khutla Cha Ypi 2026 â hmakhei hra ei.

Er. Viasai Solo, Senior EE PHED chata, Biehrai liata Mathai 25 liata Talent pakhona bie eima hmôpa hawhta, Khazohpa ta talent miah a piepa papôhsa lymâ ta eima tiama lymâ awpa he a peimawh ngaita kaw, tahpa ta pasyunabie pha kawpa a reih.

MTP Branch, Tipa Bazar zy ta pahyna hla â ngia kawpa ta paryh ei ta, Puhpa S. Beisa (Beirapadua Paw), Mara Machâ Py, Tipa ta Hladyu a pathluah, MTP Branch, Chheihluzy ta Pakhupi lâ â ngia kawpa ta ama lâh. Kallen VT. Ngozuazi ta Hlaphôh â ngia kawpa ta reih ta, MTP Branch, Theivazy ta Awhkhypa lâ â ngia kawpa ta ama lâh.

Laihsa Jessica Ngôdy Hlychho, (Mara Idol 2021), Laihsa B. Priskilly, Laihsa Rovina Khaimeichhô nata Jennifer Khithie zy ta pahnie kawpa ta hlasapa ta zawpi ama palôhpahawh.
Programme Chhaihnona he Mr. Zakaria N. Beihrokhai nata Laihsa Gospel Beireizingia Sawthly ta ama chhihtha.

MTP Branch, Vahiazy ta Miss Irene Lâ â ngia kawpa ta lâh ei ta, Tangku Cultural Troup zy ta Pho Lâ â ngia kawpa ta ama lâh hra. MCHP Branch, Diary zy ta Special Item hnei ei ta, Puhpa C. Lorray, Games & Sport i/c MTP Sub-HQ, Tipa ta Pawkia kiapasuana apa hneisa hra ei. MTP Branch, Tisi zy ta Athih Lâ â ngia kawpa ta ama lâh hra.

Guitarist Laihsa Feli Beingaichho ta Music Instrumental hmâpa ta Guiter Solo â ngia kawpa perform na a hnei. MTP Branch, Theirizy ta Pawpi Lâ â ngia kawpa ta ama lâh hra. MRS Band, Tipa zy ta pahnie kawpa performance ama hnei hra. Puhpa VT. Lykhei, Asst. Secretary, MTP Su-HQ, Tipa ta lymâ raina a hnei.

Lyuva Khutla 2026 Chhivaw châta laihsa Ephesi Ngalochhô, MTP Branch Tipa Diary atlyhpatlohpa châ ta, Khydi châta satlia N. Beisua Ratopatha, MTP Branch, Tisi atlyhpatlohpa a châ. Salia Beinô châta Byhnadaosa atlyhpatlohpa châ ta, Salia Beipa châta Isaac Beihnorôna atlyhpatlohpa a châ.

Puhpa S. Lalremthanga, Hon’ble Dy. CEM he a Lahpinô Pihnô K. Lilipawngia, Puhpa L. Prisila, EM (PWD), Puhpa Tiahlei Syuhlô, EM (Forest), Puhpa T. Seido, EM (Sports), Puhpa Beihu Nôhro, Deputy Chief Whip, Puhpa N. Lalrosanga, Vice Chairman, (P&DB), Puhpa Albert Hlychho, Sr. EO (P/S), Puhpa Vabeikhaihmô Solo, CF, Puhpa Pawsa Lava, Asst. I&PO, Puhpa J. Jeffrey Khara, Moonlight Editor nata Puhpa K. Nehemia, I&PD zy ta ama zi.

ISSUED BY:
Information & Publicity Department
Mara Autonomous District Council
Siaha.