Scammer zy ta WhatsApp account ama hack thei lei n’awpa ta tao dâh
Pawsa Lava
Thursday, 28 November 2024 at 10:33 AM.
1. Two-step verification:
1. WhatsApp pahy chi ta,
2. WhatsApp na pahy khai tawhta chachâh lâ a chô a ki (right top corner) liata dot sâthôhpa liata na hmie (Tap) aw (Android). iPhone liata la a ry liata “Settings” tahpa a y aw.
3. “Settings” tahpa na hmie aw.
4. “Account” tahpa hmie heih aw chi ta,
5. Two-step verification na hmie heih aw.
6. “Turn on” tahpa na hmie heih aw.
7. 6-digit PIN na tao (create) aw.
8. He 6-digit PIN lia heta a rainao kawpa ta ama pachâhpady (guess) thei awpa 123456 hmâh lei awpa. Ama pachâhpady (guess) thei lei awpa hmâh awpa.
2. Email Address
1. “Settings” lâ a ngia heih chi ta,
2. “Account” tahpa na hmie aw.
3. “Email address” tahpa hmie aw chi ta,
4. Email na hmâh ngâhaipa chhuh (type) chi ta, na verify aw.
3. Passkeys
1. “Settings” lâ a ngia chi ta,
2. “Account” tahpa na hmie aw.
3. “Passkeys” tahpa na hmie heih aw.
4. “Create passkey” tahpa na hmie aw.
5. Passkey he na my lei awpa, anodeikua, a rainao kawpa ta ama pachâhpady (guess) thei lei awpa na hmâh aw.
4. IP address, Link nata messages block awpa
1. “Settings” lâ a ngia chi ta,
2. “Privacy” na hmie aw.
3. “Advanced” na hmie heih aw.
4. Block messages from unknown accounts, Protect IP address in calls nata Disable link previews zy he na ON (enable) khai aw.
5. WhatsApp he Playstore/App Store tawhta regular kawpa ta update tyh awpa a châ. Na daihti ruapa liata Playstore/App Store lâ a ngia tyh chi ta, WhatsApp he update tyh awpa a châ.
6. WhatsApp liata Suspiciuos links he hmie (tap)click) lei awpa. Hmiapahno leipa ta personal details nata codes zy ama cha hiahri khiahta la, pie lei awpa a châ. Desktop Computer, Laptop tawhta WhatsApp na log-in khiahta la, na hmâh khai tawhta log out lymâ awpa.
7. Na mobile liata six-digit coded a vaw tlôpa message (SMS) liata tlyma, email liata tly ma, social media hmâpa ta tlyma avaw tlôpa, ahy hmah pie tlâ lei awpa. Ama chavaw hiapa chhaota pie tlâ lei awpa a châ.
8. Na Mobile (Smartphone) hmâh haipa kha Operating System (OS) (Android OS), iOS (iPhone OS) he regular kawpa ta update tyh awpa a châ. Update awpa a y nata y lei moh tyh awpa a châ.
Android operating system (Software) he hawhta na update aw.
1. “Settings” hmie chi ta,
2. “Software update” tahpa tlua chi ta, na update aw.
3. Android phone thokha liata cha “About Phone” or “About Device” tahpa hmie chi ta, Android version a vaw la aw, OS version tahpa ta a vaw la aw. Android phone thokha liata la “Settings” na hmie khai tawhta “Software Update” tahpa a vaw la aw ta, hmie (tap) chi ta, update awpa a y nata y lei a vaw la thla ha aw. Update awpa a y khiahta la na update aw. Software update awpa a y vei khiahta la “Version up to date” a vaw ta thla ha aw.
iPhone liata iOS (Software) update dâh: He hawhta na moh/tao tyh aw.
“Settings” hmie chi ta, “General” hmie hei chi ta, “Software update” tahpa na hmie aw.
