PRESS RELEASE
NO.136/2025
SIAHA, 20 Phiapi, 2025 (Pobienoh): Atanoh dawh 11:00 AM khata MADC Forest Hall, Siaha liata Puhpa Beirahmo Syhly, EM i/c Cooperative, etc., MADC chata Siaha District Cooperative Union (SDCU) MADC, Siaha pachhuahpanohpa 72nd All India Cooperative Week Closing Programme 2025 cha khichhai laipa châpa ta â hmâkhei ei.
Programme he Puhpa K. Mara, President, SDCU, MADC ta chhihtha ta, Rev. Z. Hrohmo ta Abeipa lâta pavaosana devotion daihti â hmâh.
Puhpa Beirahmo Syhly, EM chata, Siaha District he Mizoram District uhtheipa hry liatapa châ ta, Cooperative society zy chhao vâro tlai pasiapa ta hmah a vaw la tuatuhpa district châ pi ta, kô 2016 pa liata Mizoram sawhkhâ ta MADC ku liata Cooperation department a vaw hlâ tawhna khata, State sawhkhâ nata azaona phapa eima hnei thei khao leizie, a reih.
“Atanoh deikua cha Department liata ahriatuhpazy Officers nata staffs zy tiamana nata hriapasana vâta nata eima CEM zachhihpa hmahlana vâta lâpi dopa eimâ kaw chhih pathao ha bâ.”
“Chahleikhô ta, Central Sawhkhâ ta Cooperative policy a papeimawhsa kawpa vâta, Cooperation ministry mohôh thei awpa ta Amit Shah vaw rao ta, ano hmahlana zawhzi ta India râh pôhpalôhpa liata hmahsiena thata a tlô lymâ.”
Mizoram State lia chhaota hmahsiena vaw tlô lymâ ta, keimo Siaha District cheingei chhaota hmiasai khaih kawpa eima kaw hnei pathao ha vâta eima râh liata Act East Policy ta hmahsiena a vaw tlôkhei awpazy sai chhieliena chôta society zy pachhuahpanohpa ta tiama via lymâ awpa ta khichhai laipa ta pasyunabie a reih.
He programme lia heta, SDCU hleikhô ta MCAB Ltd. nata MIZOFED Ltd. Siaha Branch zy ta report piena hnei ei ta, Pihnô N.Maki, Deputy Registrar chhaota biereina chyupa hmâpa ta society member pôhpakhypazy pasyuna a hnei hra.
Puhpa J.Lalthianghlima, CEI ta Paper present hneipa ta, he programme he hlaotloh kawpa ta ahmâhpa a châ.
Puhpa N. Lalhmingmawia, Executive Officer, SDCU ta report piena a hnei.
Ajalia Beingiarili Solo ta hlasapa ta zawpi a palôhpahawh.
ISSUED BY:
Information & Publicity Department
Mara Autonomous District Council
Siaha.
