PRESS RELEASE
NO.23/2026
SIAHA, 06 Pamih, 2026 (Chutynoh): Atanoh dawh 11:00 AM khata Seminar Hall, Government Siaha College, Siaha liata Viksit Bharat District Level Youth Parliament 2026 Programme âhmâhpa châ ta, Puhpa T. Seido, EM i/c Sports, etc., MADC chata Khichhai Laipa (Chief Guest) châpa ta â hmâkhei ei.
Programme he Miss VL. Hruaisangi, Asst. Professor, Dept. of Education ta host ta, Beirotha, Secretary, EU, GSC ta Abeipa lâta pavaosana devotion daihti â hmâh.
2026 Youth Parliament biepipa châta “50 Years of Emergency: Lessons for Indian Democracy” hmâpa a châ.
Puhpa T. Seido, EM, MADC chata, “Government Siaha College tawh he ta, chyhsa phapa nata rônah kawpazy vaw pua tyh ei ta, MADC ta cha he College he hnôhchhy beih aw vei. India he Democracy râh lai chaipa châ ta, Democracy râh a châna hawhta Equality (â kho khaina) he eima dâh ta pachâ peimawh kaw ta, a dyhphapa chhao a dyhchhiepa chhao dâh mokhaoh liata la eimâ lyu khai thlâh ha,” a tah.
“He hleikhô ta, Freedom (Khotalaina) he za peimawh kaw heih ta, eima zyhna zy, bie eima reipazy nata eima chi nata pho chôchâh liata India ta khotalaina miah pie chyu ta, râh thokha liazy cha he hawhpa khotalaina he y vei.”
Democracy râh liata cha decision (bie chhâna taona) kyh liata zawpi ta eima tao tyh. Abraham Lincoln ta a reipa he â do ei tah kaw ‘Government of the people, by the people, for the people’ tahpa ta a za reih tyh democracy chôchâh hi.”
“Democracy râh liata National Level liata zawpi vyuhpa ta â duahpa Parliament liata biereihpa ta, ama pachia tyh, State Level liata Assembly House liata MLA zy ta aduah heih hra ei ta, Autonomous District Council liata MDC zy ta zawpi vyuhpa ta amâ duah heih hra. Village Level liata Gram Sabha, he zydua he session châ ta, session liana heta hiahrina nata achhyna daihti ahmâh tyhpa châ ta, sawhkhâ a pha kawpa ta a sie thei n’awpa nata transparent kawpa ta a sie thei n’awpa ta hnei tyhpa a châ.”
“Athaipazy ta za reih tyh ei ta, chhihthatuhpa he sâno lâta za pachhaih ei ta, Autocratic Leader nata Democratic Leader tahpa ta za pachhaih ei ta, autocratic leaders nahzy he cha âmosasyh thai â tah ei ta, chyhsa hropa pachâ peimawh leipazy ama châ tyh. Achuhaipazy cha he hawhpa leader châ achhuah lei awpa a châ.”
“Sânona liata cha Democratic leaders za châ ei ta, he hawhpa leaders zy ta chyhsa hropa pachâ peimawhna hnei ei ta, he hawhpa leaders châ achhuah khai awpa a châ,” tahpa ta Khichhai Laipa ta pasyunabie pha kawpa a reih.
Prof. Abdul Hannan Barbhuiya, Principal, GSC ta welcome speech reina hnei ta, Miss N. Rosaline, Mera Yava Bharat, Siaha ta short speech reina a hnei hra.
KC. Beibaokhei, 4th Semester, GSC nata Beikypachâ, 4th Semester, GSC zy ta hlasapa ta zawpi ama palôhpahawh.
ISSUED BY:
Information & Publicity Department
Mara Autonomous District Council
Siaha.
