PRESS RELEASE
NO.43/2026
SIAHA, 13 Patô, 2026 (Pakhynoh): Atanoh my dawh 11:00 AM khata Buiring Hall, Siata liata Mara Students’ Organisation Branch, Siata pachhuahpanohpa “Felicitation & Award Ceremony Programme” (achuhaipazy tao pha patluapazy palyupalihna) ahmâhpa châ ta, Puhpa M. Chiadung, EM i/c Soil, etc, MADC chata khichhai laipa châpa ta â hmâkhei ei.
Programme he Puhpa Raekhui, President, MSO Branch, Siata ta chhihtha ta, Evan. LC. Khailawng ta Abeipa lâta pavaosana devotion daihti â hmâh.
Puhpa M. Chiadung, EM, MADC chata, “Achuhaipazy tao pha patluapazy palyupalihna programme MSO Branch, Siata ta vaw pachhuahpanoh ei ta, aly thapha kawpa ta ahmâh theipa a vaw châpa he aly â chhih hmeiseih,” a tah.
“Achuhaipazy châta peimawh chaipa cha Khazohpa china he châ ta, Khazohpa china chôta châ achu lymâ u la, Khazoh khoh dâh hawhta nama y lymâ awpa a châ.”
“Achuna (education) he peimawh ngâsâ ta, pachâ peimawh ta, tiama kawpa ta châ namâ chu lymâ awpa a peimawh ngaita kaw.”
“Khih châ thaipa hluhna khih he chyhsa ta za ei ta, mohnao ngâh hra veih ei. khizaw liata khih eima kaw sa lymâ n’awpa lia heta hmahsie lymâ khoh chyu pi ta, hmahsie lymâ awpa heta achuna (education) he pachâ peimawh ta, achuna liata nama tiama lymâ awpa a byuh.”
“Tiama kawpa ta châ achu lymâ u la, hnatlâhpa ta eima y lymâ khiahta la, hâhkô achuna liata a tao pha patluapazy hnohta lymâ ei cha pie heih aw ei.”
“Châ achu khoh kaw ta, admission la n’awpa sôh a hnei leipa zy, achuna textbook chalei n’awpa hnei leipa zy, achuna lâ sie khoh kaw ta, sôh nah thih rairuna hnei lei vâta sie thei leipa ama y khiahta la, MSO Branch, Siata liata chhihthatuhpazy khata ama thâtih a vaw chu pasia lymâ u la, na vaw pahnosa lymâ u la, ei theina rakha ta ei vaw baokhâ lymâ aw ei.”
“Thaina sona he Khazohpa ta alei liata soh khai ha ta, tiama ta atlua hohpa deita ta ama hmô tyh. Siata khitlâh liata apahrâpazy ta achuna he subject peimawh chaipa hawhta pachâpa ta tiama via lymâ awpa ta ei cha pasyu chyu ei.”
“Atanoh ta achuhaipazy tao pha patluapazy palyupalihna lymâ raih theipa a châna chhâpa cha pachutuhpa (teacher) zy vâ châ ta, pachutuhpazy nama chô liata aly hmeiseih na ta, tiama nama vaw papua via lymâ awpa ta ei châ haw ei.”
“Atahmâ MADC liata 12th term sawhkhâna Puhpa M. Laikaw, Hon’ble CEM chhihthana ry liata sawhkhâna sie haipa lia heta châthaipa, athai patluapazy châta chance phapa y ta, fake certificate ahmâhpazy châta chance y vei.”
“Sanghe Multi-Purpose Agricultural Cooperative Society Limited (MPACS) he a su tly ta, Puhpa M. Buisusang, Chairman nata Puhpa Lalruatsanga, Secretary zy ta ama vaw welcome. Office liata hriapazy rai apha kawpa ta hria awpa ta a pasyu pâ hra ei.”
“Achuhaipa châ ei chi ta, Khazohpa lâta thlahchhâna he pachâ peimawh u la, thaina sona, novâhna nama hnei thei lymâ n’awpa ta Khazohpa hiahpa ta thlah nama chhâ hluh lymâ awpa he a peimawh ngaita kaw,” tahpa ta EM ta pasyunabie pha kawpa a reih.
Atanoh achuhaipazy taopha patluapazy palyupalihna nata lymâ raina sôh he Puhpa M. Chiadung, EM i/c Soil, etc MADC ta â tôh khai.
Palyupalihna lymâ adaopazy:
MIDDLE SCHOOL – TOP STUDENTS
- Juliet T. Lalramhlui, d/o T. Lalpianmawia, Govt. Vuangtu Middle School – 93%.
- T. Junia, d/o T. Lalpianmawia, Govt. Vuangtu Middle School – 92%.
- Jimriff J. Lalrinpuia, s/o J. Beikhochhi, Govt. Vuangtu Middle School – 90%.
CONSOLATION PRIZES
- Irene P. Jemima
- Hmangaihmalsawmtluangi
- Grace Madini
PRIMARY SECTION – TOP STUDENTS
- Marcos K.C. Malsawmtluanga, s/o K.C. Petera, Siata-II P/S – 96.5%.
- Beldi T. Byhnasoh, d/o T. Ranghmu, Siata-II P/S – 94.8%.
- T. Vanramnghaka, s/o T. Lalpianmawia, Siata-II P/S – 93%.
CONSOLATION PRIZES
- Silvia B. Niiangi
- M. Beisorili
- Meena V. Pasungiang
Class X
- Amy C. Lalrini
- BZ M. Harmon
- Israel C. Buireithai
Class XII
- Billton M. Khusang (Arts Stream)
- Dorothy Lalhruaitluangi (Arts Stream) – 1st Division, Letter in Mizo
- Rodeny C. Hmangaihzuali (Science Stream) – 1st Division, Letter in Mizo.
PEACE MEMORIAL HIGH SCHOOL, SIATA he â zaopa ta kô palih chhôh HSLC liata cent percent (100%) ta hlaotlohna ama to.
Puhpa T. Beihronga, SCO, MADC, Puhpa J. Pachhunga, Headmaster, Siata-II PS, Puhpa C. Hmingchungnunga, Siata-I VC Vice President zy ta pasyunabie pha kawpa reina ama hnei hra.
Satlia Robert Lalramliana, General Secretary, MSO Branch, Siata ta lymâ raina hnei ta, vote of thanks reina chhao a hnei pâ hra.
Laihsa Rovina Khaimeichhô ta pahnie kawpa ta hlasapa ta zawpi a palôhpahawh.
Puhpa T. Beihronga, SCO, MADC Puhpa Pawsa Lava, Asst. I&PO, MADC, Satlia VB. Rahnei, General Secretary, BJYM, BJP Dist. HQ, Laihsa Caroline Chhaihlô, Vice President, Yuva Morcha, BJP Dist. Hqtrs., Siaha nata Puhpa Michael Hnaihly, MADC zy ta Puhpa M. Chiadung, EM ama zi.
ISSUED BY:
Information & Publicity Department
Mara Autonomous District Council
Siaha.
