PRESS RELEASE
NO.153/2025
SIAHA, 18 Di, 2025 (Pobienoh): Atanoh dawh 1:00 PM khata MADC Golden Jubilee Hall, Siaha liata Mara Autonomous District Council Office Closing Programme 2025 âhmâhpa a châ.
Closing programme he Puhpa Pheiki Solo, Secretary to MADC ta chhihtha ta, Rev. Pheitha Lava, ES i/c Mission ECM Assembly ta Abeipa lâta pavaosana devotion daihti â hmâh.
Puhpa N. Viakhu, Chairman, MADC chata, biereina hnei ta, chhôh to kô 2025 chhôh zydua eima daihti hmâh dâh alyu tlâ vei. Kô 2025 he ahmâh phapa eima y nota âhmâh pha leipa chhao eima y aw. Hmo khô chiehpa zydua my khai ta hmialâ hmo a pha kawpa ta hmâh achhuah chyu suh vy, tahpa ta a reih.
Chairman MADC chata, “Punctuality zy pachâ peimawh sih la, MADC Opening programme liata la a hluh thei chaina hawhta pua achhuah chyu suh vy,” a tah.
Sôh nah thih do lei kawpa ta hmôna kyh liata eima palôh pachhô leipaw sih la, Khazohpa khoh dâh hawhta hro âhmâh ta Krismas nata kô thiehpa pha kawpa ta âhmâh chyu awpa ta khokheina a hlâ chyu ei.
Loisi Singers zy ta Khazoh reithaina hla â ngia kawpa paryh ei ta, Laihsa Chhingpuii Azyu ta pahnie kawpa ta Khazoh reithaina hla a sa.
Kô thiehpa Pakhynoh (Wednesday) January noh 7, 2026 pa ta MADC Office he pahy heih awpa a châ.
Abeipa lâta alynabie reina nata ahlâ pathiehna zawpi thlahchhâna nata Khazoh reithaina hla sa khai tawhta Abeipa thlahchhâna (The Lord’s Prayer) reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
