PRESS RELEASE
NO.128/2025
SIAHA, 1 Phiapi, 2025 (Pachynoh): Atamy dawh 9:30 AM khata Siaha District Hockey Association (SDHA) pachhuahpanohpa, Siaha District Playground (Vaihpi Field) liata 100 years of Indian Hockey Celebration Programme âhmâhpa châ ta, Puhpa T. Seido, EM i/c Sports, MADC chata khichhai laipa châpa ta â hmâkhei ei.
Târi 7 November 1925 khata Indian hockey cha FIH ( Fédération Internationale de Hockey (International Hockey Federation) liata affiliated pa châ ta, atakô 7 November 2025 lia khita kô 100 a tlohna kaw châ aw ta, November 1 tawhta November 7 taihta “100 Years of Indian Hockey” (remarkable century) celebration he hneipa a châ aw.
Atanoh ta programme he Ms. J. Lalzuimawii, President, SDHA ta chhihtha ta, Rev. K. Laichhua Azyu ta Abeipa lâta pavaosana devotion daihti â hmâh. Puhpa NS. Beihruasa, Sectetary, SDHA ta report piena a hnei.
Puhpa T. Seido, EM, MADC chata, “Atanoh 100 years of Indian Hockey celebration programme liata khichhai laipa châ awpa ta na khokheituhpa programme pachhuahpanohtuhpa chô lâ liata alynabie ei châ hlâ ei,” a tah.
“Rani Rampal, Indian field hockey player he riethei kawpa chhôhkha (poor family), Shahabad, Haryana tawhta kaw laiseihpa châ ta, a paw he cart-puller châ ta, a hawtita nota chanô hockey â khaihpa moh tyh ta, hockey â khaih awpa he khoh kaw tyh ta, a chhôhkhazy riethei kawpa ama châpa vâta hockey stick chhao chaleipa thei leipa ei ta, nohkha cha Hockey coach Baldev Singh heta Rani Rampal cha kaw pangai ta, “Khâpa vâta he su liata hockey amâ khaih no maihta vaw moh ngâthlâhpa na châ,” tahpa ta hiahrina tao ta, Rani chata, hockey â khaih hra awpa khoh kaw tyh na ta, hockey stick chalei n’awpa phusâ chhao hnei leipa pi ta, tahpa ta achhy ta, coach chata ngiachhie kaw ta, Hockey stick nata hockey ball zy cha pie ta, Rani châ a ly kaw ta, cha tawhta, Hockey tiama kawpa nata palôh zydua piekhaipa ta a khaih pazao lymâ ta, a chhâ chhâna la châ, Indian field hockey coach taihta a kaw châ haw. Rani Rampal he 212 international matches â khaih ta, 134 goals a scored. Kô 2020 khata Government of India ta Padma Shri a hlâ,” tahpa ta khichhai laipa ta Rani Rampal hawhta achhuahna hnei ta, tiama ta, hlaotlohna hnei cheingei achhuahna palôh hneipa ta hlaotloh achhuah chyu awpa ta a pasyu ei.
EM chata, “Lalremsiami Hmarzote, Kolasib khihpa Indian field hockey player chhao he riethei kawpa chhôhkha tawhta Indian national team liata a kaw khaih phapa châ hra ta, 2018 World Cup lia taihta â khaih thei hrapa a châ. Mawrâh tawhta first sportsperson, Asian medal a la tua chaipa a châ,” tahpa ta a reih.
Khichhai laipa chata, Rani Rampal nata Lalremsiami Hmarzote hawhta tiama ta, achhuahna hnei ta, hlaotloh cheingei achhuahpa ta, tiama lymâ awpa ta atanoh programme a vaw hlao theipazy a pasyu ei.
EM heta SDHA zy hnohta sôh a hlâ pâ hra ei.
Puhpa J. Jeffrey Khara, Moonlight Editor chhaota pasyunabie pha kawpa reina a hnei hra.
Satlia L. Peace Hrathao, Vice President, SDHA ta vote of thanks reina a hnei.
Puhpa T. Seido, EM, MADC he Official lâ tawhta Puhpa Pawsa Lava, Asst. I&PO; Laihsa Elvina B. Lalhmangaihzuali, PA to EM (Sports) nata Puhpa Martin L. Hlychho, Cameraman zy ta ama zi.
ISSUED BY:
Information & Publicity Department
Mara Autonomous District Council
Siaha.
