Târi 28.08.2025(Pobie zâ) daw 7 PM liata Vahia khih MTP Opi su liata Co-operation Department, MADC ta Vahia khi Society member zy nata khitlâh zawpi zydua châta Awareness-cum-Training on Co-operative Movement programme a hneikhei.
He Programme he Puhpa NS. Beihruasa, Senior Inspector of Cooperative Societies (SICS) ta chhihtha ta, atahmâhlâ Khizaw liata cooperative society a peimawh zie nata phahnai zie zy, rural economy cheihchalo n’awpa kyh liata chhaichhi peimawhpa a châ ziezy reih ta, Union Government of India nata State Government of Mizoram zy ta Co-operative Society hmâh phahnai ta rural economy hmah pasiesa achhuahpa ta hmah ala hai nota Co-operation Department, MADC chhaota thata hmah a lapazi lymâ zie reih ta, eima khitlâh châta society hmâh phahnaipa ta yzie hnei kawpa ta eima siekhei awpa a peimawh ziezy chhao a reih hra.
Puhpa K. Chatlai, Cooperative Education Instructor (CEI) ta pachuna hnei pazi ta, Principles of Cooperative Society reih pakawhna nata chhopasiana hnei ta, Cooperative Society ta hmo hluhpi a tao thei zie zy, adona nata ngâchhihna hneina chôta siekhei awpa a byuhna ziezy a reih. Cha hleikhô ta atakô kô 2025 pa he UNO ta International Year of Cooperative tahpa ta kô phuah vaw hmâh ta, Khizaw pôhpalôhpa ahly awpa ta Cooperatives build a better world tahpa biepipa vaw tao ta, he international year of Cooperatives he khizaw su nano nanopa liata nata india râh su nano nanopa liazy chhaota amâ hmâh ziezy a reih.
Puhpa T. Samuela, UDC (SDCU) chhaota zawpizy hnohta society padua dâh pachuna a hnei hra. Cha hleikhô ta Society â duah hapazy châta Internal management a pha kawpa ta siekhei a byuh ziezy pachuna hnei ta, Cooperative Society paduana nata siekheina kyh liata rairuna nata pahno thai leipa hmozy a y khiahta la Cooperation Department, MADC liata athlachhie leipa ta achupasia lymâ awpa ta zawpizy a hrua ei.
Bei Zisu thlahchhâna hnei pazipa ta programme pachhâsapa a châ.
