PRESS RELEASE
NO. 99/2025
SIAHA, 20 Thlazoh, 2025, Pakhynoh – Atanoh dawh 1:00 PM khata Puhpa MH. Tiabi, EM i/c Education (M/S), MADC Office chhôhpadâh liata Puhpa LB. Thatlô, châbu ropa ‘Mara reih hneirôna’ tahpa cha Puhpa MH. Tiabi, EM i/c Education (M/S), MADC & Chairmam of BML ta a palâhâh.
Programme he Puhpa Z. Siachô, Adviser, MWC ta chhihtha ta, Pihnô Nakho Solo, Former Adviser, MWC ta Abeipa lâta pavaosana devotion daihti â hmâh.
Puhpa MH. Tiabi, EM chata, “Puhpa LB. Thatlô ta a châbu ropa ‘Mara reih hneirôna’ tahpa palâhâh theipa a vaw châpa he aly’pa a châ hmeiseih. Ti a didita ta a tlapa ta Tilaipi a taopa hawhta, he châbu he Mara reih laisaih n’awpa châta châbu peimawh kawpa nata hmâh tlâh châ kawpa a châ cheingei nahta ei hnabeiseih,” a tah.
“Mara reih acheihpa eima châpa vâ deita ta District Council a hmôpa châ pi ta, chavâta, eima reih Mara reih he eima pasô kaw awpa byuh ta, Mara reih cheih hluh ta, a ro chhao eima thai kaw awpa a byuh,” a tah.
EM chata, “Puhpa LB. Thatlô he Mara reih ta châ ro thai kawpa a châpa vâta Mizo to Mara Dictionary tao awpa ta chho na ta, atahmâ he tiama kawpa ta tao ngâhai ta, thlai ta a vaw patlô nahta hnabeiseih âchhih,” a tah.
He châbu ‘Mara reih hneirôna’ tahpa he Puhpa LB. Thatlô ta a châbu ropa bu 10 n’awpa a châ.
Puhpa LB. Thatlô, châbu rohtuhpa ta alynabie reina a hnei khai tawhta Abeipa thlahchhâna (The Lord’s Prayer) reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
