PRESS RELEASE
NO.92/2025
SIAHA, 05 Thlazoh, 2025, Hriaheinoh – Atanoh dawh 11:30 AM khata MADC Golden Jubilee Hall, Siaha liata Cleanliness Awareness Campaign 2025 ahmâhpa châ ta, Programme he Puhpa K. Chhuabei, EM i/c LAD, etc MADC ta â hmâkhei ei.
Programme he Puhpa Joshua Chozah, Under Secretary, LAD, MADC ta chhihtha ta, Rev. Thylua Hlychho ta Biehrai reina nata thlahchhâna a hnei.
Atanoh programme, pathaihna chôchâh liata Siaha khihpi a vaw pathaih via n’awpa ta meeting hneina lia heta Siaha khihchhôh liata NGOs tawhta Presidents nata General Secretaries, Awnanopa tawhta Local Church Secretaries zy ahlao awpa ta hruapa châ ei ta, interaction zy chhao hneipa a châ.
Puhpa K. Chhuabei, EM, MADC chata, “Siaha khihpi pathaih awpa heta, Zawpi hriaparaohna phapa hnei a peimawh hmeiseih. Pathaihna kyh liata Local Administration Department (LAD), MADC nata UD&PA ngâlâh tao awpa, pathai awpa hawhta eima pachâ khiahta la, pathaihna kyh liata hmahsie thai ma pi. Eima zydua ta hriaparaohna phapa eima hnei awpa a byuh. Chavâta, atanoh Siaha khihchhôh liata NGOs tawhta Presidents nata General Secretaries, nata Awnanopa tawhta Local Church Secretaries zy eima cha hrua ei,” a tah.
“Mizoram sawhkhâ ry liata Urban Development & Poverty Alleviation (UD&PA) Department pachhuahpanohpa Mizoram Cleanliness Competition 2024 liata Siaha khihpi ta District Headquarters Category liata khihpi pathaih chaipa lymâ sâ 2-na dao pi ta, pathaihna kyh liata tiama papua via lymâ sih la, sâkhanazy châ achhuah ta, khizaw a kaw sosâh lymâpa hawhta pathaihna lâ lia chhao eima pathaih via lymâ awpa he a peimawh ngaita,” a tah.
EM chata, “Atanoh pathaihna chôchâh reih awpa pachâ peimawh ta, he programme a vaw hlaopa zydua hnohta alynabie ei cha hlâ ei. NGOs, Awnanopa nata VCs zy pathaihna kyh liata tiama papua via lymâ ta, pathaihna he hri-iah tawhta eimâ bohna, hnatlâhna phapa hnei awpa heta, pathaihna peimawhzie pahnopa ta, hriaparaohna phapa eima hnei lymâ awpa he a peimawh ngaita kaw,” a tah.
Atanoh meeting lia heta agenda sâpangawh reina hneipa châ ta, cha nahzy cha:
- Solid Waste Management chôchâh
- Sanitation Points hmâna chôchâh
- Waste Segregation chôchâh
- Awnanopa kyhchhina chôchâh
- “Waste to Wealth” competition tao awpa chôchâh.
Pihnô S. Lalmuanpuii, Sr. LAO, MADC ta PowerPoint Presentation on “Sanitation” piena hnei ta, Puhpa Henry PL. Hnaihly, LAO, MADC ta presentation on “Solid Waste Management (SWM)” piena a hnei hra.
A. Beilaipha ta pahnie kawpa ta hlasapa ta zawpi a palôhpahawh.
Puhpa Joshua Chozah, Under Secretary, LAD, MADC ta vote of thanks reina a hnei khai tawhta Abeipa thlahchhâna (The Lord’s Prayer) reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
