PRESS RELEASE
NO.86/2025
SIAHA, 23 Khihpa, 2025, Pakhynoh – Atanoh dawh 10:30 AM khata MADC Session Hall liata târi 23-25 Khihpa, 2025, noh 3 chhôh atyuhpahmaoh awpa Mara Autonomous District Council (MADC) Monsoon Session, 2025 cha Puhpa N. Viakhu, Chairman, MADC chhihthana ry liata pathaopa a châ.
Daihti pathaona liata Chairman ta Khazohpa Biehrai Pathaihpa Ryhpachaneina 26:19 reipapuana hnei ta, he khai tawhta atakô Monsoon Session Abeipa lâta pavaosana hnei awpa ta a raopa Puhpa M. Manasia, MDC ta thlahchhâna a hnei.
Chairman ta Monsoon Session 2025 Panel of Chairpersons châta Puhpa Beihu Nôhro, Deputy Chief Whip, MADC nata Puhpa ST. Vanmalsawmliana, MDC zy a rao ei.
Puhpa Nahlo Solo, Chairman, Town Committee, MADC, Puhpa TA. James Riatha, MDC, Puhpa Beirahmo Syhly, EM i/c Rural Development Department, etc., MADC, Puhpa Delson Nôtlia, MDC nata Puhpa HC Biakcheuva, MDC zy cha tlâh leina vâta MADC Monsoon Session 2025 a hlao thei veih ei.
Atakô Monsoon Session atyuhpahmaohpa liata Starred questions (pakah ta achhy awpa) sâ 17 y ta, unstarred questions (ropa ta achhy awpa) sâ 2 a y. Unstarred questions zy he member-zy atyuna dawkâh liata achhy chiehpa ta sopa châ ta, starred questions sâ 17-pazy he atyuhpahmaoh daihti noh 3 chhôh liata hiahrina nata achhyna tao khai achhuahpa a châ.
Myrâh liata List of Business for Monsoon Session 2025 hawhta hiahrina nata achhyna daihti ahmâhpa châ ta, atanoh liata sâ 6 hiahrina nata achhyna hnei patlôpa a châ. Zâlâ liata Bills nata Rules zy introduced pa a châ. Cha nahzy cha:
Official Bills:
- The Mara Autonomous District Council (Non-Agricultural Land Settlement) (Third Amendment) Bill, 2025.
- The Mara Autonomous District Council (Agricultural Land Settlement) (First Amendment), Bill, 2025.
Official Rules:
- The Mara Autonomous District Council (Education) Service Rules, 2025.
- The Mara Autonomous District Council (Primary School Headmaster) Recruitment Rules, 2025.
- The Mara Autonomous District Council (Primary School Teacher (Group B Non-Gazetted Posts) Recruitment Rules, 2025.
- The Mara Autonomous District Council (Hindi Wing (Group A & B Non-Gazetted) Recruitment Rules, 2025.
Zâlâ Monsoon Session hneina liata Dampa biatuhpa MLA Larintluanga Sailo (65), Luangmual, Aizawl, Max Super Speciality Hospital, Delhi liata zâhnia ta apahâpa taokheina one-minute silence observed pa a châ.
He Bills nata Rules zy he târi 24-25 Khihpa, 2025 atyuhpahmaoh pazao daihti liata pass achhuahpa a châ.
He Monsoon Session, noh 3 chhôh ô awpa he my dawh 10:30 AM tawhta 4:00 PM taihta hnei tyhpa châ aw ta, dawh 1:00 PM – 2:00 PM dawhkha chhôh apahâna daihti châta hmâh awpa a châ.
ISSUED BY:
Information & Publicity Department
Mara Autonomous District Council
Siaha.
