Board of Mara Literature Meeting 2025 hneipa a châ

by in News in Mara

PRESS RELEASE
NO.79/2025

SIAHA, 11 Khihpa, 2025, Chutynoh – Atanoh dawh 11:00 AM liata Board of Mara Literature Meeting 2025 cha Puhpa MH. Tiabi, EM (M/S) & Chairman, BML chhôhpadâhpa liata hneipa a châ.

He meeting he Puhpa MH. Tiabi, Chairman, BML ta chhihtha ta, pasyunabie nata BML raihriazy a reih khai tawhta Pihnô Lynn H. Ngôhei ta thlahchhâ ta, daihti pathaopa a châ.

Puhpa K. Beingiachhie, Sr. EO(M/S) & Secretary, BML ta BML hmahlana nano nanopa report a pie hra.

BML Meeting 2025 biepathlupa peimawh viapazy:

  1. BML Vice Chairman 2025 – 2028 châta Puhpa Pachi Hlychho atlyhpa a châ.
  2. BML Asst. Secretary 2025 – 2028 châta Laihsa Femina Hlychho atlyhpa a châ.
  3. Phôhpa chyupa (Short Story) aropasuana pachhuahpanoh awpa ta pathlupa a châ.
  4. Hlaphôh areipasuana pachhuahpanoh heih awpa ta pathlupa a châ.
  5. Noh-aotlâh liata Hla nata Bie ataopasuana pachhuahpanoh awpa ta pathlupa a châ.
  6. Mara reih nuhby reizie panano awpa ta pathlupa a châ.
  7. Animation/ Cartoon Movies ataopasuana liata avaw ngiapazy cha BML ta YouTube channel pahypa ta upload awpa ta pathlupa a châ hra.

Bei thlahchhâna reihpa ta daihti pachhâsapa a châ.

ISSUED BY:
Information & Publicity Department
Mara Autonomous District Council
Siaha.