PRESS RELEASE
NO.77/2025
SIAHA, 02 Khihpa, 2025, Pakhynoh – Atamy dawh 6:30 AM khata Puhpa T. Seidô, EM i/c Sports & Youth Services Dept., etc MADC ta Beinô Football Academy Second Batch cha SDFA Playground, Siaha liata pahyna a hnei.
Programme he Puhpa VT. Martin Vabeiduakhei, ASPO, MADC ta chhihtha ta, Puhpa T. Vabeichhuakhu, MTP HQ Secretary i/c Games & Sports ta Abeipa lâta pavaosana devotion daihti â hmâh.
Puhpa T. Seidô, EM, MADC chata, “Eima Coach nawhzy a thaipa sai châ ei ta, District hro lâ penawhzy chhao miah ama uahva ngâsâ. Eima vâhnei ngâsâ. Chavâta, Scholars zydua, tiama kawpa ta namâ chu khiahta cha, Football liata chyhsa alâluah kawpa châ aw ei chi ta, Niebawtluana taihta hmâh theipa a châ zie,” a reih.
“Atahmâ nama sievawnazy nama rairu chy hra sala, MADC Nôpaw penawhzy nama thâtih vaw chho aw na ta, khatita ma cha S&YSD ta Mini Bus eima hneina daihti a vaw tlô cheingei aw,” EM ta a tah.
Hnabei a pady leipa ta vaw tiama lymâ awpa ta Puhpa T. Seidô, EM, MADC ta Scholars zy a pasyu ei.
Puhpa T. Seidô, EM i/c Sports ta Beinô Football Academy Second Batch aly kawpa ta a pahy khai tawhta Light refreshments niepa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
