PRESS RELEASE
NO.75/2025
SIAHA, 27 Chhiepa, 2025, Chutynoh – Atanoh dawh 2:00 PM khata Pihnô K. Lawmi, Deputy Secretary (GAD), MADC cha, Chhiepa (June) 2025 thla chhâna liata superannuation pension ta a pua bâ awpa vâta GAD nata DP&AR liata a hrialâhpazy ta General Administration Department Room, MADC liata Puhpa K. Vanlalliana, Executive Secretary, MADC zy chhaota pathliena programme amâ hmâh.
Pathliena programme he Puhpa John VT. Hniehu, Under Secretary (GAD), MADC ta chhihtha ta, Puhpa PS. Lalthanhlira, Head Assistant (GAD) ta Abeipa lâta pavaosana thlahchhâna a hnei.
Puhpa K. Vanlalliana, Executive Secretary, MADC chata, A uhta Pihnô K. Lawmi, Deputy Secretary (GAD), Khazohpa ta hnatlânazy pie ta, superannuation pension tlô theipa ta a ypa â lykheizie, a reih.
ES chata, Reingiahna he hlaotlohna a châzie, a reih.
“Kei he ei hawtita tawhta atahmâ taihta Awnano lia khiah, Office lia khiah, kei hlâta biehnei viapa nata eima puhpazy rei angiah lymâ na ta Khazohpa ngiachhiena vâta tahmâ duasu liata ei vaw duah theipa a châ,” ES ta a tah.
ES chata, A uhta Pihnô K. Lawmi ta châ â chu daihti liata a vaw deichhy laih lymâna nata lahpihnô a hnei daihti taihta a vaw deichhy lymâna kyh liata alynabie, a reih pâ hra.
Pihnô F. Ngôbu, Superintendent (GAD) ta GAD vyuhpa ta Poh angia kawpa Pihnô K. Lawmi, Deputy Secretary (GAD) hnohta present ta, Puhpa PS. Lalthanhlira, Head Assistant ta GAD vyuhpa ta Ryuchâ (Citation) hlâ ta, Pihnô K. Lalnunnemi, GAD chhaota DP&AR vyuhpa ta hmo a present pâ hra.
Puhpa JH. Beihnai, Deputy Secretary (DP&AR), MADC chhaota pasyuna bie pha kawpa reina a hnei hra.
Pihnô K. Lawmi, Deputy Sectetary (GAD) chhao biereina hnei ta, MADC liata a hrialâhpa zydua hnohta hmialâ ama sie lymâ n’awpa liata a pha kawpa ta hriapazao lymâ ta superannuation pension zy tlâh boh kawpa ta ama tlô thei chyu n’awpa ta khokheina bie a hlâ chyu ei.
ISSUED BY:
Information & Publicity Department
Mara Autonomous District Council
Siaha.
