PRESS RELEASE
NO.95/2026
SIAHA, 10 Phiapi, 2026 (Hriaheihnoh): Atanoh my dawh 7:30 AM khata Puhpa M. Laikaw, Hon’ble Chief Executive Member, MADC chata Tôkalô Khih liata Spice Grinding Unit a pahy.
He Spice Grinding Unit he SASCI 2024-25 – Part-I (U/A) sôh hmâpa ta Rs. 71.20 Lakhs hryuhpa ta sapa a châ.
Programme he Puhpa C. Beichhua, EE (PWD), MADC ta chhihtha ta, Rev. H. Vabeihmokhai, Tôkalô Biatuhpa ta Abeipa lâta pavaosana thlahchhâna a hnei.
Puhpa M. Laikaw, CEM, MADC chata, “Atanoh Tôkalô khih liata Spice Grinding Unit pahy theipa a vaw châpa he aly âchhih hmeiseih,” a tah.
“Spice Grinding Unit he Power (Electricity) a y lei daihti lia chhaota Solar hmâpa ta he khaw he hmâh theipa châ ta, Generator hmâpa chhaota hmâh theipa a châ.”
“Chhiehrieh he hnei hlu via lymâ achhuah chyu u la, he Chhiehrieh chariehna khaw hmâpa heta chhiehrieh charieh lymâ aw ei chi ta, sôh lana hnawh pha kawpa chhiehrieh khaw he hmâh phahnai namâ chhuah lymâ aw.”
“Spice Grinding Unit Tôkalô khih liata eima vaw hnei theipa he Khazohpa byhnâ châ ta, raihria tiama via lymâ u la, chhiehrieh he thata chhei via lymâ u la, he chhiehrieh khaw hmâpa ta ativy via lymâ achhuahna palôh nama hnei chyu awpa ta khokheina ei cha hlâ chyu ei,” tahpa ta CEM ta pasyunabie pha kawpa a reih.
Puhpa K. Hrahmô, Hon’ble MLA chhaota biereina hnei hra ta, “Atanoh Spice Grinding Unit pahy thei awpa a vaw châpa he aly âchhih hmeiseih ta, Tôkalô khihsawzy nama vâhnei hmeiseih,” a tah.
“Tiama papua via lymâ u la, he khaw hmâh phahnai achhuah u la, palôh hnei kawna chôta raihria lymâ u la, he khaw hmâpa heta hmahsie via lymâ achhuah u la, ativy lymâ awpa namâ chhuah aw,” tahpa ta pasyunabie pha kawpa reina a hnei.
Puhpa MH. Tiabi, EM i/c Education, MADC chhaota biereina hnei hra ta, “Spice Grinding Unit pha kawpa Tôkalô khih liata hmâh thei awpa ta atanoh pahy thei awpa a vaw châpa he aly âchhih hmeiseih,” a tah.
“Raihriana kyh liata tiama vaw papua via lymâ u la, he khaw he Khazohpa ta miah a piepa, Khazohpa byhnâ a châ tahpa he pahno u la, chhaolei atlychakapa ta tiamapa ta sôh nah thih hneipa he a pha chai. He khaw hmâh phahnai awpa heta tiama nama papua awpa byuh ta, nama tiama vei khiahta la, he khaw he hmâh thei veih ei chi, he khaw hmâh phahnai awpa heta nama hria papua hluh kaw awpa a byuh,” tahpa ta EM i/c Education, MADC ta pasyunabie pha kawpa a reih.
Puhpa M. Laikaw, Hon’ble CEM, MADC he Tôkalô khih tawhta a kawliena lâta CAO Office, Vahia nata DAO Office, Tipa a vaw tlypa.
Puhpa C. Rahre, AE (PWD), MADC ta Technical Report piena hnei ta, “He Spice Grinding Unit he SASC 2024 – 2025 Part – I (Untied Adll) phusâ tawhta sapa a châ. A building kawhna he (18 x 33) ft ta sapa châ ta, Rs. 71.20 lakhs ta patlô khaipa a châ. Târi 30/9/2025 tawhta pathaopa châ ta, Târi 15/11/2025 khata Civil work cha pha kawpa ta patlôpa a châ,” a tah.
“Eima Puhpa L. Prisila, EM i/c PWD, MADC nata Puhpa A. Viahra, SE zy phahnaingiahnazy vâta 1.50 months chhôhta patlô theipa a châ. Chadei châ leipa ta, VC nôpawnahzy ta a râh O eima sa n’awpa, thata mia tluakhei ei ta, he su he Rs. 1.60 lakhs ta chalei thei awpa ta miah hmôpa ei ta, ama chô liata alynabie ei reih hmeiseih.”
“Spice Grinding Unit liana heta Chhi, Chhiehrieh chhao taihta charieh theipa châ ta. Khatino rai ta Solar hmâh thei awpa ta fit khaipa châ ta, â vaw rao tlamawpa chhaota Generator ta back up thei lymâ awpa ta tao khaipa a châ,” a tah.
Laihsa Priscilla Nôtlia nata Laihsa Clara K. Melita zy ta pahnie kawpa ta hlasapa ta zawpi ama palôhpahawh. Laihsa Beipawngia Khaila ta pawpi CEM hnohta a hlâ.
Tôkalô MTP zy ta târi 09.11.2026, Hriatua zâ ta zâ pati pahâh kawpa miah achhuanohpa ei ta aly kawpa ta zâ pati dôhkhohpa a châ. Atamy programme pachhâ khai tawhta my pati aly kawpa ta dôhkhohpa a châ.
Puhpa S. Beima, VC Member, Tôkalô chhaota biereina a hnei hra.
Puhpa M. Laikaw, CEM, MADC he Puhpa MH. Tiabi, EM (Education) (M/S), Puhpa L. Prisila, EM, PWD, Puhpa Tiahlei Syuhlo, EM, EF&CC, Puhpa J. Vabeikiasa, EM, Agri., Puhpa M. Chiadung, EM, Soil, Puhpa Vabeikhaihmo Solo, CF, EF&CC, Puhpa Pawsa Lava, Asst. I&PO, Puhpa T. Pabua, Cameraman, Puhpa K. Nehemia, Cameraman, Puhpa LC. Apaw, GS, BJP Siaha District, Puhpa L. Vabeihlathie, Convener, IT & Media BJP Siaha District nata Puhpa Naik Lalnunfela, PSO zy ta ama zi.
Puhpa K. Beichhua, JE (PWD) MADC ta vote of thanks reina a hnei khai tawhta Abeipa thlahchhâna (The Lord’s Prayer) reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
