PRESS RELEASE
NO.85/2026
SIAHA, 05 Phiata, 2026 (Hriatuanoh): Atanoh dawh 11:00 AM khata Forest Conference Hall, Siaha liata Environment, Forest & Climate Change Department, MADC pachhuahpanohpa 72nd National Wildlife Week 2026 Programme ahmâhpa châ ta, Puhpa Tiahlei Syuhlo, EM i/c Environment, Forest & Climate Change Department, etc. MADC chata Khichhai Laipa châpa ta â hmâkhei ei.
Programme he Puhpa Vabeikhaihmo Solo, Conservator of Forests, MADC ta chhihtha ta, Pihnô K. Lyzi, OS ta Abeipa lâta pavaosana thlahchhâna a hnei.
Puhpa Tiahlei Syuhlo, EM, MADC chata, “Râhsa râhmâhpa liata pahrâpa huso theina hneipa zydua pabohsana rai he keimo Forest Department liata hriapa dei châ leipa ta, atanoh he su liata avypa nata Mara zawpi zydua chhaota râhsa huso theina hneipa zydua eima pabohsa awpa he a peimawh ngaita kaw,” a tah.
“EM Forest ei vaw châ thaohta no khata Râhsa pabohsana rai thata vaw hria pi ta, vaw rei via laih ta, he pabohsana rai eima hriapa he hmahsiena thata za tlâpahnai ta, atanoh tawhta a thiehpa ta tiama papua pathi heih sih la, râhsa pabohsana kyh liata hriaparaoh chyu awpa ta ei cha hrua ei.”
“Forest Department liata hriapa Field Staff zy châ chhochhi la râhsa pabohsapa he eima duty na a châ tahpa he a thiehpa ta nama pahno awpa a byuh. Râhsa pabohsa awpa heta Department sâkha deita ta mohôhna rai he a hria thai leipa ta, chavâta Achuhaipa (Students) zy, Officers tanoh programme a vaw hlao theipazy nata Department nano nanopa liata hriapazy nata zawpi zydua pabohsana raihria chyu awpa ta ei cha hrua chanei ei.”
“National Wildlife Week â vaw thao tuana cha kô 1952 tawhta ahmâh khohna palôhrupa vaw hnei pathao ei ta, kô 1955 lia khata National Wildlife Day tahpa ta ama vaw hmâh. Kô 1957 pa tawhta National Wildlife Week he amâ vaw hmâh. Mahatma Gandhi he Non-Violence Movement siekheituhpa a châna hawhta Mahatma Gandhi pinoh October 02 pa tawhta ahmâh pathaopa a vaw châ tyh.”
“Râhsa nata chyhsapazy pi he azaona phapa eima hnei awpa he peimawh kaw ta. Âmo râhsa nata râhsa likawh lia chhochhi cha azaona pha kawpa ama hnei awpa he a peimawh ngaita kaw. Râhsa nata râhsa chhao he ypakhy ta chi pathla ta ama pôh lymâ awpa a châ.”
“Râhhmâh pabohsapa he peimawh kaw ta, atliata liata Supremme Court ta dâh a taopa liata cha râhhmâhpa maih he Forest râh na a châ khai e, a tah. Atanoh he su liata programme a vaw hlao theipa zydua, programme a vaw hlao thei leipa zydua hnohta râhsa pabohsa peimawhzie miah nama chhopa laih awpa ei chi ta ei châ haw chyu ei,” tahpa ta Khichhai Laipa ta pasyunabie pha kawpa a reih.
Puhpa Jimmy N. Ramdina, Deputy Conservator of Forests, MADC ta Key Note Address reina a hnei.
Puhpa JB. Chozah, Court President & Recorder ta pasyunabie pha kawpa reina a hnei hra.
Puhpa Beichatlaisa Azyu, Asst. Conservator of Forests, MADC ta vote of thanks reina a hnei.
Pihnô T. Merisa ta pahnie kawpa ta hlasapa ta zawpi a palôhpahawh.
ISSUED BY:
Information & Publicity Department
Mara Autonomous District Council
Siaha.
