PRESS RELEASE
NO.72/2026
SIAHA, 2 Thlarâh, 2026 (Pakhynoh): Atamy dawh 8:00 AM khata Puhpa K. Chhuabei, EM i/c LAD, MADC cha Khichhai Laipa (Chief Guest) châpa ta Meisatlâh – II Panchayat Bhawan (Village Council House) pahyna hneipa ta Programme â hmâkhei ei.
Programme he Puhpa Zonunsiama, VCP, Meisatlâh – II ta chhihtha ta, Machâ S. Pathy, ECM Local Church, Immanuel Awnano Hyutuhpa ta Abeipa lâta daihti pavaosana (devotion) a hnei.
Puhpa C. Rahre, AE, PWD, MADC ta Technical Report piena hnei ta, he Panchayat Bhawan he 15th Finance Commission ry RGSA Scheme tawhta Rs. 20 Lakhs hryuhpa ta October 2025 tawhta sa pathaopa châ ta, a hâ 18 feets nata a doh 48 feets ta sapa a châzie, a reih.
Khichhai Laipa ta Programme âhlaopazy hnohta alynabie reina hneipa ta biereina hnei pazi ta,” India Sawhkhâ ta Grassroot Level Administration he pachâ peimawh ngaita ta, VC/Panchayati Raj/Local Council zy ta Dyhkha O nata Khiliah liatazy Ryureina siekhei tyhpa a châpa cha a phapa ta a pahno leipa vâta pachâna nata ryhraona pha viapa hneipa ta Ryureina âlâpahliepa, Ryureina zachhihpa a y theina awpa pachâ ta VC Court House, Panchayat Bhawan he ama vaw pachhuahpanohpa a châ,” a tah.
“India Sawhkhâ ta Khitlâh, VC hmahsiena awpa ta scheme pha kawpa RGSA vaw tao ta, he scheme tawhna heta Computer Sets raina chhao hneipa a vaw châ. Puhpa M. Laikaw, CEM chhihthana ry liata RGSA Scheme tawh pyly ta Panchayat Bhawan sâ 4 – Supha, Tipa’V’ – I, New Siaha East – II liazy ta sa ngâpa nata Meisatlâh -II liata sapa ta, cha hry tawhta atamy liata Meisatlâh – II liatapa pahy theipa a vaw châpa he aly hmeiseih na ta, a hmiatua ta Abeipa hnohta alynabie ei reih. He O pha kawpa hnei thei awpa ta khokheina miah apatosatuhpenawh India Sawhkhâ nata State Sawhkhâ hnoh chhaota alynabie ei reih. Concerned Department nata Osa amohôhtuhpenawh Meisatlâh -II VC hnoh chhaota alynabie ei reih hra.”
“Siaha Khichhôh lia heta râh ruapa a y leipa vâta VC Court Houses zy chhao sa theipa vaw châ leipa ta, he no ta Biatuhpa hmiatuapa, VC hmiatuapazy nata atanoh liata VCP phahnaingiahna vâta Panchayat Bhawan hnei theipa a vaw châpa he ei ly hmeiseih,” tahpa ta EM ta bie pha kawpa a reih.
Puhpa JH. Rongura, VC Member ta vote of thanks reina a hnei khai tawhta daihti pachhâsapa a châ.
ISSUED BY :
Information & Publicity Department,
Mara Autonomous District Council,
Siaha.
