PRESS RELEASE
NO.13/2026
SIAHA, 07 Hmypi, 2026 (Pachynoh): Puhpa K. Chhuabei, EM i/c LAD, MADC chata târi 05.02.2026 – 07.02.2026 chhôhta a bia Khaikhy, Lôpu, Supha, Miepu nata Vahia khihzy a tly.
Puhpa K. Chhuabei, EM, MADC chata, a bia chhôh a chahryh laihna lia heta, pasyunabie pha kawpa reih laih ta, kuh raihria tiama awpa nata hriapasana he sasyh, chhôhkha ativyna nata khitlâh hmahsiena a châziezy reih ta, cha hleikhô ta, ku raihria ta tiama papua chyu awpa nata, khihsatôhtuna liata hmiatôh via lymâ awpa ta nata mathlai ti a loh ngâna taihta hriapasa awpa ta pasyunabie a hlâ chyu ei.
EM chata, “Ei bia chhôh he eima vâhnei kaw ta, Leipalie nata Liaryh hleikhô ta, Chichei bialo nata âhnalasizy pha khoh kaw ta, hezy he Siaha khihpi atôh thei awpa taihta tiamapa ta nama tao thei khiahta cha, ku raihriapazy châta thata a thôhna nama hmô aw,” a tah.
“Tiama kawpa ta hria ta, nama hlaotloh daihti liata, a zua n’awpa liatazy nâmo bua byuh leipa ta a su liata ama cha za chaleipa lymâ thlâh ha aw.”
A bia chhôh liata khito NGOs châta Deckchi nata Silpaulin (Silpaulin he a chhapa chi) zy chhienoh phanoh châta ama vaw hmâh awpa ta kô 2026 kô thiehpa hmosaipie châta a pie ei.
- Vahia MTP, MCHP
- Lopu MTP, MCHP, YMA, MHIP.
- Khaikhy MTP, MCHP.
- Miepu MTP, MCHP.
- Supha MTP, MCHP
He py (NGOs)zy hnohta Pihnô Nakho Solo ta Deckchi nata Silpauline zy he aly kawpa ta kô thiehpa hmosaipie châta a hlâ chyu ei.
Puhpa K. Chhuabei, EM, MADC he Pihnô Nakho Solo, Vahia, Puhpa B. Khaichhua, JE (PHE), MADC, Puhpa Thychha Chozah, Secretary, BJP District Headquarters, Siaha, Puhpa K. Nehemia, I&PD, MADC nata Laihsa Priscila Nôtlia zy ta ama zi.
ISSUED BY:
Information & Publicity Department
Mara Autonomous District Council
Siaha.
