SIAHA, 25 Chhiepa, 2026 (Pobienoh): Atanoh my dawh 11:00 AM khata Siaha District Cooperative Union ta Annual General Conference ei 27-na cha “Cooperatives Build a Better World” tahpa biepipa hmâpa ta ahmâh ei ta, Mizoram Co-operative Apex Bank Chairman Puhpa Lalnunsanga chata Khichhai Laipa châpa ta a hmâkhei ei ta, MADC Deputy Registrar of Cooperstive Society Pihnô N. Maki chata Khichhai Zachhihpa châpa ta â hmâkhei hra ei.
MADC Golden Jubilee Hall, MADC Complex, Siaha liata programme âhmâna lia heta, Khichhai Laipa Puhpa Lalnunsanga chata, “Central sawhkhâ ta society a siekhei dâh he Multipurpose Primary Agricultural Credit Societies (MPACS) liata pahnieh pahthu kaw ta, tahmâ ta eima sie dâh he Gujarat liata cooperative ama siekheina model hmâpa ta siekheipa châ ta, he hmâpa ta India râh he pasosâhsa achhuahpa a châ,” a tah.
“Khizaw liata industry lai chatlie chaipa cha Tourism he châ ta, eima state ta su hro lâta hmo y leipa environment pha kawpa hnei pi ta, tahmâ cha flight nata train zy ta eima state he tlô ha bâ ta, tourist nahzy chhao amâ vaw ngia hôlô bâ. Chata a châ nota, hospitality lia he eimâ sosâh via awpa a byuh. State pôhpalôhpa liata Siaha district he la maw lâta ypa hlâta Khichhai alyna lia cha asosâh via ei chi ta, he he vaw tao pazi lymâ muh vy.”
“Siaha District heta MPACS he vaw hmâh phahnai ula, ahropazy chhao vaw padua lymâ awpa ta bie ei cha ta khoh ei,” tahpa ta pasyunabie pha kawpa a reih.
He hleikhô ta, Khichhai Laipa chata, MCAB hmahlana nano nanopazy reih ta, amâ chhuahnapazy chhao reihpakawhna a hnei hra.
MADC Deputy Registrar of Cooperstive Society Pihno N. Maki chhaota biereina hnei hra ta, India sawhkhâ ta Vikshit Bharat ta achhuahna liata Cooperative he hmâh phahnai achhuah kaw ta, chavâta, tahmâ ta avypakhypazy chhao ei chi, he kyh liata nama peimawh ngaita kaw, a tah.
Khichhai Zachhihpa chata, Society-zy châta Cooperative Department he parent department a châpa hawhta hrialâh pha kawpa hnei ta, hriaparaoh awpa ta a hrua hra ei.
Conference he SDCU President Puhpa K. Mara chhihthana ry liata ahmâhpa châ ta, Rev. B. Beilua ta Khazohpa lâ daihti pavaosana hnei ta, SDCU/ARCS Executive Officer Puhpa N. Lalhmingmawia tawhta Annual report nahthliena hneipa a châ hra. Laihsa Jennifer Khithie ta pahnie kawpa ta hlasapa ta zawpi a palôhpahawh.
Zâlâ session liata Ryureina hneipa châ ta, Annual Report nata SDCU Budget phawna daihti nata reihpahmaohna daihti ahmâhpa a châ hra.
