PRESS RELEASE
NO.45/2026
SIAHA, 26 Patô, 2026 (Hriaheinoh): Atanoh dawh 11:30 AM khata MADC Forest Hall, Siaha liata Power & Electricity Department, Siaha pachhuahpanohpa “Awareness Programme on PM Surya Ghar Muft Bijli Yojana (Prime Minister’s Solar Rooftop Free Electricity Scheme for Homes)” ahmâhpa châ ta, Puhpa K. Chhuabei, EM i/c LAD, MADC chata Khichhai Laipa châpa ta â hmâkhei ei.
Programme he Puhpa PC. Vanlalruata, Executive Engineer, Power Division, Siaha ta a chhihtha.
Puhpa K. Chhuabei, EM chata, “Tlohlei kawpa châ hr’aw sala, Power & Electricity Department, Siaha ta programme ama pachhuahpanona liata ei no dua khichhai laipa ta na hrua ei ta, ei ly ngaita kaw,” a tah.
“India liata y pi ta, power energy liata ativy lei kaw pi ta, chavâta, Solar Rooftop he eima peimawh ngaita kaw. USA nata Iran, Israel zy adyuh ei ta, cooking gas sôh kaw ta, atakô March thla thaona lia khata Kolkata lâ medical check up awpa ta sie na ta, Kolkota liata Mizoram House liata hriapazy ta gas sôh tu ha ta, gas baoh kha Rs.5,000 ta hmah hmô’pa y leipa ta nie leipa ta ma eima y thlâh haw tly, ama tah pâ ngâ kaw.”
“Chahawhta a châ nota Siaha liata pahrâpazy pi eima vâhnei kaw. Gas a sôh kawpa vâ heta India su thokha liata ypazy cha ama bua kaw. India he energy liata ativy lei kaw pi ta, ti tawhta zy lôkâtheipa tawhtazy nata a hro hropa tawhzy ta a taopapuapazy he cha hnatlâna châta pha leipa ta, climate change chhao thata tao ta, nopi noh ta thata palo ta, chasipaw daihti liata thata chakua heih ta, chavâta, India sawhkhâ heta Solar Rooftop he hmâh hluhpa châ sala, Solar tawhta energy hmâh hluh awpa he a khoh chaipa a châ.”
“Solar Rooftop eima hmâh hluh khiahta la, electril bill chhao cheih chyh aw pi ta, eima khihsatôhtuna liata sôh management chhao a vaw hnai/pha via aw ta, hmah chhao eima sie via lymâ aw tahpa India sawhkhâ ta pahno ta, chavâta, he PM Surya Ghar Muft Bijli Yojana he kô 2024 khata a vaw launched hapa a châ.”
“Mawrâh lia heta atahmâ odyh 431 ngâlâh ta Rooftop Solar hmâh ngâhai ei ta, Rooftop Solar System (RTS) he pachâ peimawh ta hmâh hluh achhuah chyu suh vy.”
“Kô 2007 liata MDC ei tloh tua no khata, eima bia lâ Vahia nata Laki tah leipa ta cha current tlô mâh leipa ta, ZEDA liata Solar O to ta ama pakhaih thei n’awpa ta hiapa ei na ta, a mâ nao kawpa ta a chatlai chyu ei ta, ama phahnaikhei kaw. Siaha liata current hnei leipa pi ta, eima khaih thei lei no chhao âmo cha Solar hmâpa ta ama khaih thei ngâthlâh haw. Solar he a vaw pha hmeiseih.”
“Mawrâh lia heta khati ma Electricity eimâ tivy hra aw tahpa he pahno thei’pa châ leipa ta, electric ri hra cha ri thiehpa thla â daih khai bâ ta sawhkhâ sôh rairuna vâta thla thei mâh tlôh leipa ta, chavâta, Rooftop Solar he hmâh chyu eimâ chhuah awpa he a peimawh ngaita kaw,” tahpa ta Khichhai Laipa ta pasyunabie pha kawpa a reih.
Puhpa B. Lalsangzela, SDO, Power Sub-Division, Siaha ta PowerPoint Presentation hnei ta, Installation of Solar Rooftop peimawh zie a reih. PM Surya Ghar Muft Bijli Yojana (Prime Minister’s Solar Rooftop Free Electricity Scheme for Homes) subsidy ta a chalei theina implementation period he 31 March, 2027 taih a châ. A hiah khohpa châta State Portal link pmsuryaghar.mizoram.gov.in liata a register ta, application vaw y ta, fill up khai tawhta submit awpa a châ.
State Portal lia tao awpa na tao khai tawhta National Portal link pmsuryaghar.gov.in lia a ngia chita application na submit heih aw.
Online tawhta hiana (application) a tao thai leipa châta direct ta Vendors-zy contact pa ta â pataosa thei hra.
Vendors (Mizoram Empanelled Vendors)-zy:
- Thlado Greentech – Kulikawn, Ngaizel Road Aizawl Mizoram 796005 – Mobile No: 8794302514
- Enervior Power System Pvt. Ltd. – 2nd Floor, No. 180, Mfar Silver Line Tech Park EPIP 2nd Phase, Whitefield, Bengaluru, Karnataka – Mobile No: 7005154993
- Agni Green Power Ltd. – Near Lalsangliana Petrol Pump, Sairang Road Edenthar, Aizawl-796001 – Mobile No: 8420115051
- Swastik Enterprise – 10A Hospital Street, 3rd Floor Suite No. 303 Kolkata-700072 – Mobile No: 9436764524
- LT Skylite – YE-05 Darkawn, Chaltlang Aizawl – Mobile No: 8794446336
- Thangruma Projects – S/52, Bawngkawn Sairang Road, Aizawl-796014 – Mobile No: 8837439795
- Kim Kim Electricals – V/C-92, Vaivakawn, Aizawl – Mobile No: 9862329368
- Royal Floria – Ch. Thannawia Building, Main Road Zarkawt, Aizawl-796007 – Mobile No: 9612307885
- VL Traders – A-33a, Maubawk, Aizawl-796005 – Mobile No: 9863767505
- Samuel Enterprise – MV-80, Lunglei Road, Mission Veng, Aizawl-796005 – Mobile No: 9774399239
- Ten Joules – LTC/4, Leitan Near SIRD, Aizawl-796025 – Mobile No: 9862159795
- AIEN Consulting – TN-69/AB, Lalsawia Building, Zarkawt Main Street, Aizawl-796007 – Mobile No: 7085914763
- Zalen Enterprise – Zalen Veng, Vairengte, Kolasib, Mizoram – Mobile No: 8787389017
- BS Electricals – College Veng, Kolasib – Mobile No: 8732013113
- BSP Electricals – Champhai Vengthlang, Champhai, Mizoram – Mobile No: 9862903041
- D. Light Enterprise – Dawrpui, Canteen Square, Aizawl, Mizoram – Mobile No: 9436140461
- Zaumawi Business – Lower Zarkawt – Mobile No: 9862752789
- M/S ANS Engineering – H.O Venglai Lunglei, Mizoram – Mobile No: 7005411604.
He Rooftop Solar he on-grid power system (or grid-tied system) nata Off-Grid Power System chhaota â tao thei rairie.
He Rooftop Solar he hmâh chi ta, on-grid power system na hmâh khiahta la, electricity (Power) bill cheih chyh kaw bâ chi ta, na hmâ laipa a y khiahta cha, khah na hmâ laipa kha Power & Electricity Department ta vaw hmâh ei ta, kôchhâna lâ liata na hmâ laipa Power & Electricity Department ta ama hmâna mâ kha na Bank account liata ama cha vaw khôpa (deposit) lymâ thlâh ha aw.
An On-Grid Power System (a power system that is connected to the government electricity line) (main power grid). An Off-Grid Power System (a power system that is not connected to the government electricity line) (main grid).
Laihsa Dinai Lalruatdiki ta pahnie kawpa ta hlasapa ta zawpi a palôhpahawh.
Puhpa K. Chhuabei, EM, MADC he Official lâ tawhta Puhpa Pawsa Lava, Asst. I&PO nata Puhpa K. Nehemia, I&PD zy ta ama zi.
Interaction hnei khai tawhta Puhpa Hrangluana, H/A Power Division, Siaha ta vote of thanks reina a hnei khai tawhta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
