PRESS RELEASE
NO.26/2026
SIAHA, 23 Pamih, 2026 (Hriatuanoh): Atamy dawh 10:30 AM pa ta Mara Autonomous District Council (MADC) Budget Session 2026 cha MADC Session Hall, Siaha liata Puhpa N. Viakhu, Chairman chhihthana ry liata pathaopa a châ.
Chairman ta Khazohpa Biehrai Pathaihpa Rawma 6:22 reipapuana a hnei khai tawhta Puhpa M. Manasia, MDC ta MADC Budget Session 2026 Khazohpa lâta pavaosana thlahchhâna a hnei.
Chairman ta Panel of Chairpersons châta Puhpa Albert TT. Sachu, MDC nata Puhpa Beihruakhai, MDC zy a rao ei.
Atakô Budget Session noh 4 chhôh ô awpa he târi 23, 24, 25 nata 27 Pamih, 2026 nohzy liata hnei awpa he my dawh 10:30 AM tawhta 4:00 PM taihta hnei tyhpa châ aw ta, zâlâ dawh 1:00 PM nata 2:00 PM likawh liata apahâna (Recess) daihti ahmâhpa a châ.
Atanoh zâlâ khata Introduction of official rules – “The Mara Autonomous District Council (Sericulture Department Group A, B, C & D Posts) Recruitment Rules, 2026” hneipa châ ta, târi 24.03,2026 noh ta discussion nata pass-na ama hnei aw.
Atakô Budget Session liata unstarred questions (ropa ta achhy awpa) sâsari (7) nata starred questions (pakah ta achhy awpa) sythôh nata sâthôh (33) y ta, atanoh châta my râh liata starred questions sâ 8 hiahrina nata achhyna hneipa a châ. Zâlâ daihti liata Puhpa M. Laikaw, Hon’ble CEM, MADC tawhta Budget Speech 2026-2027 nahthliepa ta atanoh châta daihti pachhâsapa a châ.
Kô 2026-2027 châta MADC Budget Estimate cha Rs. 24,633.08 lakhs châ ta, târi 27.03.2026 liata Discussion and Passing of Budget Estimate for 2026 – 2027 hnei awpa a châ.
ISSUED BY:
Information & Publicity Department
Mara Autonomous District Council
Siaha.
