On 23rd March, 2026
Puhpa Chairman,
Atakô 2026-2027 châta Budget Estimate (sôh hmô awpa nata hmâh awpa) House zachhih kawpa liata reihpahmaoh awpa ta ei vaw phaw theipa vâta eima Khazohpa, members zachhih kawpazy nata Mara zawpizy hnohta alynabie ei reih. He Budget Estimate 2026-2027 he reihpahmaohpa a châ khai tawhta member zydua ta palôhraoh kawpa ta einâ pyhkhei awpa ei chi ta ei châ haw ei.
Atakô 2026-2027 Budget Estimate lia chhaota MDC Local Area Development Schemes châta ₹ 125.00 Lakh Local Revenue Receipt sôh tawhta soh heihpa a châ.
Elected MDC pakha ta kô kha châta ₹ 5.00 lakh chyu ta ama Constituency hmahsiena châta hmâpa a châ aw.
Atakô châta Mizoram Sawhkhâ nata Local Revenue tawhta sôh eima hmô awpa nata hmâh awpa hnabeiseihpa, Budget Estimate 2026-2027 Bu liata palâsapa cha he hawhta a châ.
Grant-In-Aid:
- Salary châta – ₹ 22642.49 lakh
- Non-Salary châta – ₹ 1490.41 lakh
- VC Salary châta – ₹ 55.56 lakh
- VC Non-Salary châta – ₹ 124.62 lakh
Total – ₹ 24,313.08 lakh
- Local Revenue Receipt – ₹ 320.00 lakh
Grand Total – ₹ 24,633.08 lakh.
Atakô ta eima sôh hmô awpa ₹ 24633.08 lakh chhôh liana heta VC Salary ₹ 55.56 lakh, VC Non-Salary raihriana châta ₹ 124.62 lakh nata Local Revenue Receipt ₹ 320.00 lakh zy chhao pahlao khaipa a châ. Local Revenue Receipt he kô 2025-2026 Budget Estimate liata ₹ 300.00 lakh sopa châ ta, atakô eima Actual Collection mopa ta atakô 2026-2027 liata ₹ 320.00 lakh ta pasâhpa a châ.
Kô 2025-2026 Budget Estimate Salary liata eima hmôpa châ ₹ 21381.71 lakh a châ. Atakô 2026-2027 Budget Estimate liata Salary (hlao) châta ₹ 22642.49 lakh sopa a châ. Zâkô 2025-2026 hlâta atakô 2026-2027 Budget Estimate liata ₹ 1260.78 lakh ta Salary liata a pôh via. Zâkô 2025-2026 Budget Estimate liata Non-Salary he ₹ 1413.60 lakh châ ta, atakô 2026-2027 Budget Estimate liata Non-Salary he ₹ 1490.41 lakh sopa a châ hra. Zâkô Budget Estimate hlâta atakô 2026-2027 Budget Estimate liata Non-Salary ₹ 76.81 lakh ta â sâh viapa ta sopa a châ. Local Revenue Receipt liata kô 2025-2026 liata ₹ 300.00 lakh châ ta, atakô 2026-2027 liata ₹ 20.00 lakh ta a pôh via hra. Zâkô 2025-2026 Budget Estimate hlâta atakô 2026-2027 Budget Estimate a pôhpa zydua ₹ 1357.59 lakh a châ. Atakô 2026-2027 sôh eima hmô awpazy he hmahsiena châta eima hmâh thei awpa ta eima hnabeiseih.
Kô 2025-2026 chhôhta Mara Autonomous District Council ta Mizoram sawhkhâ tawhta nata su hrolâ tawhta sôh eima hmôpazy:
- GIA Salary (hlao) châta – ₹ 21381.71 lakh
- Non-Salary châta – ₹ 1421.60 lakh
- VC Salary châta – ₹ 55.56 lakh
- VC Non-Salary châta – ₹ 124.62 lakh
Total – ₹ 22983.49 lakh - Spice Grinding (SASCI) – ₹ 71.30 lakh
- Cold Storage (SASCI) – ₹ 310.05 lakh
- Tribal Girl’s Hostel (CSS) – ₹ 80.00 lakh
- Local Revenue Receipt – ₹ 340.16 lakh
Total – ₹ 801.50 ”
Grand Total – ₹ 23785.00 lakh
Kô 2025-2026 Budget Estimate liata GIA Salary he ₹ 21381.71 lakh châ ta, he eima (hlao) Salary he miah â daih leipa vâta Mizoram Sawhkhâ hnohta R.E hiapa châ ta, Mizoram Sawhkhâ ta R.E miah a pie thei leipa vâta February thla khophie nata March, 2026 thla hlao (Salary) he cha pie awpa hnei mâh ma pi. Atakô 2026-2027 eima sie awpa lia chhaota, thlakha nata khophie hlao Salary he cha rairuna eima hnei awpa hawhta pachâpa a châ.
Mara Autonomous District Council ta sôh eima hnei chhôhpazy he Mararâh zawpizy ta eima phahnaikhei thei chai n’awpa hawhta hmâh eimâ chhuah. He eima hmahlana nata achhuahnazy hlaopatlohpa a châ thei n’awpa ta he House liata members zachhih kawpazy nama hrialâhna phapa ei châ haw chanei ei.
Members zachhih kawpazy ta kô 2026-2027 châta Mara Autonomous District Council Budget Estimate ₹ 24,633.08 lakh he einâ pyhkhei awpa ei chi ta ei châ haw ei.
Ei châ ly kaw ei.
M. LAIKAW
Chief Executive Member
Mara Autonomous District Council
Siaha.
