PRESS RELEASE
NO.62/2026
SIAHA, 11 Thlazoh, 2026 (Hriaheinoh): Atanoh zâlâ dawh 2:45 PM pa ta Puhpa T. Seido, EM i/c Social Welfare, etc., MADC ta Nôpih Opi, ECM Vaih, Siaha liata a tly.
Programme he Rev. AZ. Beirakaw, ES (Social Mission) ta chhihtha ta, alynabie reina chhao a hnei pâ hra.
Puhpa T. Seido, EM, MADC chata, “Nôpih Opi taona châh ama pahnopa he hmo rônah kawpa a châ,” a tah.
“Hriatuhpazy chhao Khizaw lâta pachâpa ta cha chynawh kawpa lyu hra ei sa la, Abeipa hmiakô liata cha, chakaona rônah ngaitapa a châ.”
“Lyuhchâpa Pawla ta dyhchhie kaw tlôhpa, châhrasala, a hneirôhpa eima châ a tahpa hawhta. He chakaona rai he chyh kawpa hawhta alâ hra sa la, chakaona rônah patluapa a châ tahpa he pahno awpa a peimawh ngaita kaw.”
“MADC he Abeipa ta Marapa sawzy châta byhnâ hnawh châta a paduapa a chânazie lymâ hawhta, MADC ry liata eima zydua ta rai angia khai thei aw ma pi. Châhrasala, Machâ kô 60 chô lâ châta, MADC ta lymâ Rs. 500/- a pie tyhpa he Marasaw châta byhnâ a châna a pakituhpa châ ta, MADC SWD he chhaichhi ta a hmâh hai,” tahpa ta EM i/c Social Welfare, etc., MADC ta pasyuna bie pha kawpa a reih.
Puhpa T. Seido, EM chata Nôpih Opi liata hmâh awpa SMART TV hlâna hnei ta, Nôpih Opi liata hriapazy amâ ly hmeiseih.
Official lâ tawhta Pihnô Patricia T. Azyu, Asst. Art & Culture Promotion Officer, MADC, Puhpa H. Beiradua, SWO, MADC, Laihsa Jenny, Cashier, Satlia Thâti nata Puhpa K. Nehemia, I&PD, MADC zy ta EM he ama zi.
Rev. AZ. Beirakaw, ES (Social Mission) ta thlahchhâna ta daihti a pachhâsa.
ISSUED BY:
Information & Publicity Department
Mara Autonomous District Council
Siaha.
