PRESS RELEASE
NO.53/2026
SIAHA, 26 Chhiepa, 2026 (Chutynoh): Atanoh my dawh 11:00 AM khata Calvary Healing Home, Siahatlâh – I, Siaha liata International Day Against Drugs Abuse and Illicit Trafficking 2026 ahmâhpa châ ta, Programme he Nasha Mukt Bharat Abhiyaan (NMBA) ry liata pachhuahpanohpa châ ta, theme châta, “Nasha Mukt Bharat Abhiyaan – Viksit Bharat Ki Pehchaan” hmâpa a châ. Programme he Puhpa T. Seido, EM i/c Social Welfare, etc., MADC chata Khichhai Laipa châpa ta â hmâkhei ei.
Programme he Machâ K. Zachiangi, Chairman, CHM ta a chhihtha.
Puhpa T. Seido, EM, MADC chata, “Calvary Healing Home liata hriapazy ta International Day Against Drugs Abuse and Illicit Trafficking 2026 Programme ahmâh thei awpa ta ama pachhuahpanoh theipa he aly’pa a châ hmeiseih,” a tah.
“Calvary Healing Home liata ypa (Patients) zy paritheipa a pha leizie pahnopapua ei chi ta, pathleih khohna palôhrupa hnei ei chi ta, he su nama vaw pangaipa he aly’pa châ hmeiseih ta, kuahnao heih ta, tao achhuah khao leipa ta, pathleih pathlah achhuahna palôhrupa â icha kawpa hnei ta, nama pathleih awpa he a peimawh ngaita kaw.”
“Khizaw liata paritheipa tao ta, a pha leizie pahnopapua ta, pathleih ta Pastor a châ hapa zy, Evangelist rônah kawpa, a vaw châpa zy, khihtlâh nôpawpa hmâhtlâh châ kawpa, vaw châ hapazy hluhpi ama y.”
“Nâmo chhao paritheipa iahzaina tawhta pathleih khohna hneipa nata pathleih pathlah khohpa ta he su vaw pangai ei chi ta, hnôhlâ kua khao leipa ta, Khazohpa khoh dâh hawhta hro hmâh ta, chyhsa hmâhtlâhpa châ awpa namâ chhuah chyu awpa a châ.”
“Khazohpa liata khâchâ apahnieh u la, Khazohpa ngâ u la, Khazohpa hmia pasah tua lymâna chôta hmo nama tao khiahta la, hmo thei leipa rai y vei. Khazohpa hnohta thatlôna hiah lymâna chôta, hmia tôh lymâ achhuah chyu muh vy,” tahpa ta Khichhai Laipa ta pasyunabie pha kawpa reina a hnei.
Khichhai Laipa ta Machâ K. Zachiangi, founder of Calvary Healing Home hnohta sôh a hlâ pâ hra.
Laihsa Priscilla Nôtlia, Laihsa Rilie nata Calvary Healing Home Patients Hlapy zy ta pahnie kawpa ta hlasapa ta zawpi ama palôhpahawh.
John David, Calvary Healing Home Leader ta bie pha kawpa reina a hnei hra.
Mrs. C. Rachael, Adviser CHM nata Puhpa Pawsa Lava, Asst. I&PO, MADC chhaota pasyunabie pha kawpa reina ama hnei hra.
Laihsa V. Lalhmunmawii ta Calvary Healing Home liata Patients zy hnohta Pledge Taking a pahneisa ei.
Satlia Lalvenchhunga ta vote of thanks reina a hnei khai tawhta Abeipa thlahchhâna (The Lord’s Prayer) reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
