LYTAI, 19 Patô, 2026 (Hriaheinoh): A eikha n’awpa ta Lawngtlai LADC Hall liata 1st Southern Cooperators Meet 2026 ahmâhpa châ ta, he meet liana heta Cooperation Department MADC Officers nata Staffs zy amâ hlao hra.
He meet liana heta, Southern Zone (MADC, LADC, CADC) area liata Cooperative Society members-zy hleikhô ta, Lunglei tawhta Cooperative Society members-zy amâ hlao hra.
Khichhai laipa Puhpa C. Lalsawmzuala, Chief Executive Member, LADC ta, Southern Zone i.e, MADC, LADC & CADC area liata Cooperative Societies nahzy duasu reih ta, daihti vâro pi tlai yzie hnei leipa ta eima sie tawhta atahmâ cha Mizoram RCS mohôhna ry liata vaw sie thei ha bâ pi ta, cha hnaihta Cooperators nahzy tiama papua via lymâ awpa ta pasyu ei ta, he cooperative movement palaisa via lymâ awpa ta raihria â chhuah hmeiseih zie reih ta, he hawhpa meet he daihti vaw sie awpa liata chhao tao pazi via lymâ awpa ta Cooperators zy a pasyu ei.
Khichhai zachhihpa Puhpa K. Lalduhawma, Joint Registrar of Cooperative Societies chhaota Cooperators-zy hnohta pasyuna hnei ta, atahmâ cha ADC area liata cooperative societies-zy chhao a pha kawpa ta sie thei awpa vaw châ ha ta, cha hnaihta tiama papua via lymâ awpa ta pasyuna hnei ta, Cooperation Department hmahlana nano nanopazy chhao reina a hnei hra.
He meet liana heta Resolution sâno (2) passed pa a châ. Chazy cha:
- Southern Cooperators Meet he kôchareih ta ahmâh pazi lymâpa châ mawh sy.
- He Cooperators Meet pachhuahpanoh lymâ n’awpa kyh liata Organising Committee paduapa châ mawh sy.
He meet liana heta Siaha MPACS (New Colony E Agri farming C/S Ltd.) zy ta zawpi pôhpakhypazy hnohta ama hlaotlohna thâtih (Success Story) nata hmahlana nano nanopa ama siekhei haipa nata hmahla âma chhuahpa nano nanopazy reina (presentation) ama hnei hra.
He programme he chhaih – 2 ta pachhaihpa châ ta, chhaih – 1 na he Puhpa Joseph Lalhmingthanga Chinzah, DRCS, LADC ta chhihtha ta, chhai – 2 na he Pihnô N. Maki, DRCS, MADC ta a chhihtha hra.
