PRESS RELEASE
NO. 110/2025
SIAHA, 11 Thlarâh, 2025 (Pobienoh): Atanoh zâlâ dawh 2:00pm liata Sr. LAO, MADC official Room liata Puhpa K. Chhuabei, EM (LAD), MADC chhihthana ry liata Siaha Town chhôh VC zy nata LAD, MADC official zy pathaihna kyh liata hmahla lymâ n’awpa chôchâh reihpahmaohna meeting hneipa châ ta, VC nah lâ tawhta ama Vaih chhôh chyu liata apuapa ama thyna dâhzy report hneipa châ ta, atahmâ tawhta cha Town chhôh Vaih to liata hâta eikha liata apuapa he eino (2) â ryhpaohna noh liata thy bâ awpa ta paryhsapa châ ta, sanitation user charge he Dept. bie puapa hleikhô ta â ryhpaohna hawhta khei tyh awpa a châ.
He hleikhô ta Vaih to ama area liata saimakaopazy pathai lymâ ta, he kyh liana he VC nata VC likawh liata hriaparaohna phapa nata LAD Dept. zy chhaota hmahla lymâ ta, pathaihna kyh liata Vaih chyu zawpizy a hluh via ta pachu ta pahnosa lymâ awpa châ ta, sahroh I nata awh khiliah liata pathliepa control na kyh liata Dept. zy nata hriaparaohna phapa hnei pazao lymâ awpa tahpazy paryhsapa a châ.
Meeting member zy lâ tawhta pachâna nata hiahrina hneipazy cha official tawhta chhopasianazy hnei khai tawhta zâlâ dawh 5:00pm ta meeting he pachhâsapa a châ.
Atanoh meeting he Town VC lâ tawhta manôh 24 zy ta ahlao thei ei ta, EM (LAD) he official lâ tawhta Pihnô S. Lalmuanpuii, Sr. LAO, Puhpa Joshua Chozah, Under Secretary nata Puhpa Henry PL. Hnaihly, LAO, MADC zy ta ama chakaochahlâh.
ISSUED BY:
Information & Publicity Department
Mara Autonomous District Council
Siaha.
