PRESS RELEASE
NO. 98/2025
VAHIA, 15 Thlazoh, 2025, Chutynoh – Atanoh dawh 10:30 AM khata Vahia Playground liata India’s 79th Independence Day 2025 alyna châta programme taopa liata Puhpa K. Chhuabei, EM i/c LAD, etc MADC cha khichhai laipa (Chief Guest) châpa ta National Flag a parai.
Programme he Puhpa J. Vabeikhai ta chhihtha ta, Rev. FC. Paw Moti, Vahia Biatuhpa ta Abeipa lâta pavaosana devotion daihti â hmâh. Puhpa Herbertson Syuhlô, CAO, MADC Vahia cha guest of honour ta raopa a châ.
Puhpa K. Chhuabei, EM, MADC chata, “Atanoh India’s 79th Independence Day 2025 lia heta, India ta British sawhkhâ tawhta Independence a hmô thei n’awpa ta hmah vaw latuhpa Mahatma Gandhi, Jawaharlal Nehru, Sardar Vallabhbhai Patel, Subhas Chandra Boss nata millions of Indian people zy athei pi ta, zana salute ei hlâ ei,” a tah.
“India ta Independence a hmô vâta District Council chhao a hmôpa eima châ. Marapa sawzy ta District Council eima hmôpa aly’pa a châ hmeiseih. Marapa sawzy ta District Council tawhta direct ta benefit ahmôpa y pi ta, indirect ta benefit ahmôpa chhao eima y aw. Alyna châh pahno ta, Abeipa lâ liata alynabie eima reih hluh via lymâ awpa he a peimawh ngaita kaw,” a tah.
“National Education Policy (NEP) 2020 of India ta pachuna (teaching) he pachâ peimawh kaw ta, atahmâ ta MADC liata 12th Term sie ngâhaipa chhaota a papeimawhsa kaw. Hmahsie lymâ awpa heta achuna (education) he eima pachâ peimawh kaw awpa a peimawhzie,” a reih.
EM chata, “Vahia liata Circle Administrative Office chhao he upgradation tao via lymâ awpa a châzie reih ta, Vahia khihsawzy eima vâhnei hmeiseih,” a tah.
“Pathaihna he eima pachâ peimawh kaw awpa byuh ta, eima yna o nata lyu, eima yna chheipâh, Achhyna O, School, Khichhôh, Office, etc khatino rai ta eima pathai ngâthlâh ha awpa a châ. Pathaihna he hmahsiena ta â chakaipa a châ tahpa he my khah ei suh u,” tahpa ta a reih.
“India he 4th-largest economy in the world châ ngâhai pi ta, India chhaota thata hmahla via lymâ ta 3th-largest economy in the world chhao kaw châ’pa â chhuah hai hra. Chahawh pyly hra chata, keimo chhao thathi leipa ta, tiama kawpa ta raihria ta, achuhaipa chhaota tiama kawpa nata palôh hnei kawpa ta châ achu ta, hmia tôh lymâ ta, hmahsie lymâ awpa he eimâ chhuah chyu awpa a châ,” tahpa ta khichhai laipa ta a reih.
C. Merisa, RMSA Secondary School, Vahia ta pahnie kawpa ta hlasapa ta zawpi a palôhpahawh.
Vahia Primary School 1 nata 11, Middle School nata RMSA zy ta parade (marching contingents) pahnie kawpa nata angia kawpa ta ama lâh.
P/S – 1 Vahia nata RMSA Vahia zy ta special items hnei ei ta, arâpasuana liata chanô sâkhana S. Diana, sânona AZ. Sesera, sâthôhna K. Lynapawngia. Arâpasuana liata chapaw sâkhana Beipalaikhei, sânona S. Duakhai (Daopi), sâthôhna Azerel. Volleyball chanô liata RO team 1 sâkhana châ ei ta, Greenland sânona ama châ.
Volley chapaw liata Education team sâkhana châ ei ta, Bazar team sânona ama châ.
Football liata Bazar team sâkhana châ ei ta, Supply team sanona ama châ.
Puhpa K. Chhuabei, EM, MADC he Siaha tawhta MADC Officials, Puhpa Henry PL. Hnaihly, LAO, MADC; Puhpa Pawsa Lava, Asst. I&PO, MADC; nata Puhpa Martin L. Hlychho, Cameraman zy ta ama zi hra.
Lymâ raina hnei khai tawhta Abeipa thlahchhâna (The Lord’s Prayer) reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
