Puhpa K. Chhuabei, EM, MADC ta Addl. SP, DTO, etc zy Joint Meeting hneikhei

by in News in Mara

PRESS RELEASE
NO.96/2025

SIAHA, 7 Thlazoh, 2025, Pobienoh – Atanoh dawh 2:00 PM khata Puhpa K. Chhuabei, EM i/c LAD, etc MADC ta a office chhôhpadâh liata Local Administration Department, MADC, Road Transport Department, MADC, Revenue & Settlement Department, MADC, Siaha Additional SP, DTO Siaha zy joint meeting a hneikhei ei.

Siaha khihpi pathaihna kyh liata hmah a sie via lymâ n’awpa pachâpa ta i (dog) control na chôchâh reipa châ ta, i (dog) ie-pazô ta khiliah a papua hleikhô ta, chyhsa châ taihta chichhih theipa a châpa vâta, khiliah ahyhmah ta papua lei awpa ta bie papuapa a châ ha tarawpa ta azyh khoh leipa hluhpi y ei ta, atahmâ tawhta la, strict viapa ta siekheipa a châ aw.

I (dog) khiliah liata a papua raruahpa cha The MADC (Animal Control & Taxation) Act 1983 sec (3)1 bie hawhta Rs. 1,000 taihta pacheisapa châ aw ta. Cha hleikhô ta, i (dog) a papua raruahpa cha The MADC (Public Health & Sanitation) Rules 2012 rule 23 sub-rule 1 of (c) nata sec 24 (4) dâh atlychakapa ta order puapa azyh leipazy i (dog) cha stray dog hawhta pachâpa châ aw ta, biehneituhpazy ta action ama vaw la lymâ aw.

Azo lâ ngâlâh ta vehicle parking permission hnei ta, nohchhô (day time) liata anonoh-y park la tyhpa hluhpi y ei ta, atahmâ tawhta la, strict via ta siekheipa a châ bâ aw. He dei châ leipa ta, mydi ta LAD Sweepers zy ta Siaha khihchhôh pathai tyh ei ta, Vaih thokha liata motor reipi ama park vâta motor ama park-na ry zy pathai thei leipa ei ta, motor â râ nahta motor park na ryzy apuapa hyhkha y tyh ta, atahmâ tawhta la, motor hneituhpazy ta motor park-na ry nata chheipâh pathai tyh awpa ta joint meeting ta bie a pathlu.

Atanoh joint meeting hneina liata he a ry liata palâsapazy he Agenda reihpahmaohpazy a châ:

  1. Siaha khihchhôh liata traffic movement â thlâ via thei n’awpa chôchâh.
  2. Road side liata construction material sohpa permit piena chôchâh.
  3. O sa khohpazy ta Revenue & Settlement Department, MADC, SP Office nata LAD, MADC tawhta permit pie tyhpa chôchâh liata zawpi lâ pahnosana.
  4. RTO tawhta road side vehicle parking permit piepazy chôchâh.
  5. Road side parking he road atatawpa liata parking permit piepa chôchâh.
  6. Road side parking area RTO ta a piepazy list chôchâh.
  7. Garrage hneileipazy motor registration taona chôchâh.
  8. Road side liata off-road vehicle chôchâh.

Siaha khihchhôh liata vaih thokha liata motor phaleipa arâ theikhaoleipa, lâthlôh pahnypakhawnazie ta a park ngâthlâhpazy, pasopanôpa a châ thei n’awpa ta, daihti rypaohpa liata Siaha khihchhôh liata joint inspection hnei awpa ta pathlupa a châ.

ISSUED BY:
Information & Publicity Department
Mara Autonomous District Council
Siaha.