PRESS RELEASE
NO.114/2025
SIAHA, 23 Thlarâh, 2025 (Hriaheinoh): Atanoh zâlâ dawh 3:30 PM khata Puhpa John Beizachhi Phuto ta CEM’s Office (Chhôhpadâh) liata CEM Relief Fund a hlâ. A byuh â ngiahna liata hmâh awpa CEM Relief Fund châta sôh Rs. 10,000 (thykha) Puhpa M. Laikaw, Chief Executive Member, MADC hnohta a hlâ.
Puhpa M. Laikaw, Hon’ble CEM, MADC chata, “Puhpa John Beizachhi Phuto ta apasaih kawpa ta CEM Relief Fund châta sôh a byuhna nata â ngiahna liata hmâh awpa ta a vaw hlâpa cha aly’pa a châ hmeiseih,” a tah.
CEM chata, “He sôh na vaw hlâpa he bao angiah hialiapazy bao n’awpa châta eima hmâh aw,” a tah.
ISSUED BY:
Information & Publicity Department
Mara Autonomous District Council
Siaha.
