PRESS RELEASE
NO.50/2025
SIAHA, 02 Patô, 2025, Pobienoh – Atanoh dawh 11:00 AM khata Puhpa Beirahmo Syhly, Executive Member i/c RD, etc, MADC chata khichhai laipa (Chief Guest) châpa ta MADC Forest Hall, MADC Complex, Siaha liata biepipa ‘Malaria ends with us : Reinvest, Reimagine, Reignite’ tahpa hmâpa ta Observance of world Malaria Day programme â hmâkei ei.
He programme he District Vector Borne Diseases Control Society, India pachhuahpanohpa a châ. World Malaria Day he 25 April, 2015 châ ta, rypaoh viana vâta atanoh ahmâhpa a châ.
Programme he Dr. Lalnunziri, Sr. CMO, Siaha District ta chhihtha ta, Dr. Lalrengpuii Ralte, DMO, Siaha District ta welcome speech reina a hnei.
Puhpa Beirahmo Syhly, EM, MADC chata, “Atanoh programme peimawh kawpa liata khichhai laipa châ awpa ta raopa ei vaw châpa he ei ly hmeiseih. Programme pachhuahpanohtuhpa chô lâ liata alynabie ei reih hmeiseih,” a tah.
“Malaria eima vei lei n’awpa ta District Hospital, Siaha liata hriapazy ta thata hmahla ei ta, thotlâh khih lâzy siepa ta thata hmahla ei ta, ama cho lâ liata alynabie ei reih hmeiseih. Keimo Mara zawpizy pi ta, ama tiamanazy pahnopa ta, hmah eima lakhei awpa a byuh,” khichai laipa ta a tah.
EM chata, “Malaria pahlei awpa heta pathaihna he peimawh ta, eima yna chheipâh eima pathai tiama kaw awpa a byuh. Ti eima pasona chhao eima chhihruh lymâ’pa byuh ta, apuapa eima pasona chhao eima chhihruh pha kaw awpa a byuh,” a tah.
“Thlohhmiasao (Mosquito net) chhao eimâ mô chy ta eima parai lymâ awpa byuh ta, malaria eima vaw vei pathlei hapa chhaota thohna o pangai para ta, thohna course nie patlô lymâ awpa a byuh,” khichhai laipa ta a tah.
“Pathaihna eima papeimawhsa awpa he peimawh chai ta, eima o lyu a pha kawpa ta pathai ta, eima yna kiapâh chhao eima pathai via lymâ awpa he a peimawh ngaita kaw. Eima yna khihchhôh chhao eima pathai via lymâ awpa a byuh. Eima pathai kaw khiahta la malaria eima pahlei thlâh ha aw,” EM ta a tah.
Siaha District liata January – December 2024, January – March 2025 chhôhta Malaria PV nata PF veipa duasu a ry liata palâsapa hawhna heta a châ:-
SIAHA DISTRICT TOTAL (JAN – DEC 2024)
Population: 69,231
Pv (Plasmodium vivax): 1,286
Pf (Plasmodium falciparum): 321
Total Positive Cases: 1,607
API (Annual Parasite Incidence): 23.21.
SIAHA DISTRICT TOTAL (JAN – MAR 2025)
Population: 67,460
Pv (Plasmodium vivax): 71
Pf (Plasmodium falciparum): 10
Total Positive Cases: 81
API (Annual Parasite Incidence): 1.20.
Lalchhuanawmi ta pahnie kawpa ta hlasapa ta zawpi a palôhpahawh.
Dr. Lalrengpuii Ralte, DMO, Siaha District ta Siaha District liata “Malaria Situation” presentation a hnei. Vabeimosa Syuhlo, District Consultant chhaota “Awareness about Malaria” presentation a hnei hra.
Dr. Lalnunziri, Sr. CMO, Siaha District ta vote of thanks reina a hnei khai tawhta daihti pachhâsapa a châ.
Puhpa Beirahmo Syhly, EM, MADC he Official lâ tawhta Pihnô S. Lalmuanpuii, Sr. LAO, MADC, Puhpa Albert Hlychho, RDO, MADC, Puhpa Henry PL Hnaily, SO, MADC, Puhpa Pawsa Lava, AITO, MADC nata Puhpa Martin L. Hlychho, Cameraman MADC zy ta ama chakaochahlâh.
ISSUED BY:
Information & Publicity Department
Mara Autonomous District Council
Siaha.
