PRESS RELEASE
NO.119/2025
SIAHA, 07 Phiata, 2025 (Hriaheinoh): Atanoh my dawh 10:00 AM khata DFA Playground, Siaha liata Siaha District Secondary School Sports 2025 Kicks Off with Opening Programme cha Puhpa T. Seido, EM i/c Sports, MADC chata khichhai laipa (chief guest) châpa ta â hmâkhei ei.
Opening programme he Puhpa Robert Zothansanga, Government High School Teacher and Chairman of the Organising Board ta chhihtha ta, Puhpa TT. Khulua, Government High School Teacher and Secretary of the Organising Board ta report piena a hnei.
Puhpa T. Seido, EM chata, “A thaipazy ta ‘Education is All-Round Development’ tah tyh ei ta, he yzie cha, châthaipa cha kyh totie liata hmâtlâhpa ama châ, academics (Achuna) tlyma office rai ngâlâh châ leipa ta, O chhôh hmo tao awpa rai zy, lyutaopazy nata hmo hro hropa chhao ama thai khai, chahleikhôta chhôhkha nata khihtlâh châ chhaota ama phahnai awpa a châ hra. Tahmâ he thyutlia thokha châ a chyhta vaw thai ei ta, hmâtlâh châ leipa hluh kaw ei ta, nâmo la hmâtlâh vaw châ u la, khihtlâh nata râh ta eima cha phahnaikhei awpa ta a vaw chu muh vy,” tahpa ta a pasyu ei.
“Rahul Dravid, a renowned Indian cricketer, successful sportsperson, a thai vâta chyhsa hluhpi ta pahno pi ta, a no he sports a thai hleikhô ta châ chhao thai kaw ta, MBA degree a hneipa a châ. P.V. Sindhu, an Olympic medalist in Badminton, Master’s degree chhao a hneipa, ano chhao he Master Dergee hneipa châ ta, achuna pachâpeimawhpa a châ hra. Chahawhna hra chata, châ eimâ chupa nahta sports eima taopa he â balance thai kaw’pa a peimawh. Keimo lâ la sâkha eima tao khiah sâkha ngâlâh tao tyh pi ta, he vâ heta hlaotlohna eima vaw to nahta hlaotlohna dâh thai tyh khao ma pi. Nâmo la vaw tiama u la, balance kawpa ta achuna nata sports he vaw pachâ peimawh rairie tyh muh vy,” a tah.
Khichhai laipa chata, “Paritheipa ta eima râh maniah a ngiahnao ta, pua’pa rai rai a chhuah khao vei. Tahmâhla la Awh pao tlô ta khiliah liata a thy hôlôpa hmô’pa y khao leipa ta, anodeikua la, eima thyutliapazy he awh pao tlô no hawhta khiliah liata amâ thy hôlô, he he a pei ngaita kaw. Thokha chhochhi la thlâkhaoh angia ha na taihta paritheipa tao ei ta, i kaw hrei sih la, taothai’pa châ khao vei. Keimo la eima hnatlâna pha kaw chy ta, chavâta, paritheipa tawhta asohsi sih la, a taopa nama pahnopa chhaota apakyh leipa ta vaw y u la, cha cha abohna pha chaipa a châ,” a tah.
EM chata, “Atanoh Sports akhaihna liata a pha kawpa ta akhaih chyu awpa ta khokheina hlâ chyu ei ta, he sports namâ khaihpa heta achuna nata sports liata hmahsiena hluhpi cha tlôkhei ei sa la, chahleikhô ta, he sports heta hmiapahnona phapa nata a unawhna phapa vaw tlôkhei mawh sy. Sports nama hneichhôh heta daihti lychhih kawpa ahmâh chyu awpa ta khokheina sâh chaipa ei cha hlâ ei,” tahpa ta pasyunabie pha kawpa a reih.
EM chata, Volleyball nata Football chhao Organising Board zy hnohta a hlâ (pie) hra ei.
Marylene Hlychho, Master of Physical Education ta Sports persons-zy bietaina (Oath of Sportsmanship) pahneisa ei ta, Laihsa Pricilla Nôtlia ta pahnie kawpa ta hlasapa ta zawpi a palôhpahawh ei.
District Secondary School Sports he October noh 7th tawhta October noh 10th taih a ô aw.
Puhpa PP. Zalena nata Puhpa J. Jeffrey Khara, Moonlight Editor chhaota EM he ama zi thei hra.
ISSUED BY:
Information & Publicity Department
Mara Autonomous District Council
Siaha.
