PRESS RELEASE
NO.152/2025
SIAHA, 18 Di, 2025 (Pobienoh): Atanoh dawh 10:00 AM khata Kaladan Multi-Modal Transit Transport Project (KMMTTP) Road nata Bairabi-Sairang Railway Line – in Socio, Cultural nata Economy liata raihria theilâpa (impact) a tlôkhei thei dâh achupasiana Seminar Hall, Govt. Siaha College liata hneipa châ ta, Puhpa S. Lalremthanga, Dy. CEM, MADC chata khichhai laipa (Chief Guest) châpa ta â hmâkhei ei.
Programme he Miss Femina Hlychho, Asst. Professor, GSC ta a chhihtha.
Puhpa S. Lalremthanga, Dy. CEM heta, Atanoh programme papeimawhsa ta avaw hlao theipa zydua hnohta alynabie a hlâ ei.
“Bairabi–Sairang Railway Line he phahnai kawpa nata transportation mâ nao kawpa ta khitlyh theina châ ta, cha nota hmo rai rai he a phana a y nota a pha leina chhao a y tyh hra. A hmâh phahnaipa châta, ama hmâh phahnai kaw awpa nota, a hmâh phahnai leipa hluhpi ama y tyh. Kheihtama eimâ vaih thei aw tahpa he eima pachâ peimawh awpa a byuh ngaita kaw.”
“Sôhpaliena laipa vaw y lymâ aw ta, eima khitlâh hro, eima Krizyhna hro parao theipa tawhta eimâ vaih lymâ awpa he peimawh ngaita kaw ta, mo to maophaohna chhao a châ hra.”
“Bairabi-Sairang Railway Line he a hmâh phahnai leipa châta cha chhôhkha paraotuhpa vaw châ aw ta, chavâta, khitlâh zawpi, Awnanopa, NGOs zy hriaparaohna phapa hnei lymâ awpa he a peimawh ngaita kaw.”
“A pahchaipa ta thyutliapazy hro hria kaw aw ta, eima saw eima samoh etc tai a hria lymâ awpa a châpa vâ heta eimâ chu pasia kaw awpa he a byuh ngaita kaw.”
“KMMTTP lâthlôh nata Bairabi- Sairang Railway Line he râh nata chi pho hmahsiena tlôkheituhpa a châ thei n’awpa ta a phahnainazie ta a hmâhtuhpa châ achhuah chyu suh vy.”
“Smartphone chhao he phahnaina a hnei hluh kaw nota, thokha ahmâh thai leipa châ deikua ta la, hro raona deita a châ.”
“Khichha (Myanmar) lâchhâh chhao atlypahlaona lâthlôh vaw y lymâ ta, thokha ta hmâh phahnai ei ta, sôh hluhpi ama la ngâno ta, thokha ta paritheipa lapangiana/phaona châta hmâh ei ta, khihpi viapa dei châ leipa ta thotlâh khih lia taihta patitheipa (drugs) a mâ nao kawpa ta chalei thei awpa hluhpi y ta, a pei hmeiseih.”
“Bairabi-Sairang Railway Line chhao he a phahnainazie ta hmâh achhuah chyu sih la, transportation mâ nao kawpa ta a vaw ypa he hmâh phahnai achhuah chyu suh vy,” tahpa ta Dy. CEM ta pasyubabie pha kawpa a reih.
Puhpa Abraham Beirazi Khithie, Addl. Deputy Commissioner, Siaha District chhaota biereina a hnei hra.
Puhpa Zomuana, Member, Study Committee he resource person châta hmâpa a châ.
Miss HC. Teresa Ngano, Mara Idol 2024 ta pahnie kawpa ta hlasapa ta zawpi a palôhpahawh.
ISSUED BY:
Information & Publicity Department
Mara Autonomous District Council
Siaha.
