PRESS RELEASE
NO.130/2025
SIAHA, 4 Phiapi, 2025 (Hriaheinoh): Atanoh zâlâ dawh 3:30 PM khata MADC Complex, Siaha liata Puhpa M. Laikaw, Hon’ble CEM, MADC ta Waiting Shed cum Public Toilet a pahy.
Corporate Social Responsibility (CSR) hmâpa ta IDBI Bank Siaha hmahlana nata baona ta he Waiting Shed cum Public Toilet he taopa a châ.
Puhpa M. Laikaw, CEM chata, “Waiting shed cum Public Toilet he tawtaw kaw hra sala, MADC châta cha ngiatlâh kawpa a châ. Ei hrialâhpazy hnohta he hawhpa building hnei hr’awpa ei khohzie he reikhei tyh ei na ta, tahmâ vaw hnei thei ha pi ta aly’pa a châ hmeiseih,” a tah.
“Shri Debangsu Bhattarcharya, DGM & Regional Head, IDBI, Guwahati nata Shri M. Wijonbou, IDBI Bank Siaha, nama hmotaopa he a pha tah na ta nama chô liata ei ly hmeiseih. He nama hmahlana vâ heta MADC nata IDBI chhao eima hriakhohna liata eima hriaparaohna a paphasa via lymâ aw.”
“Daihti sie lymâ awpa liata he Waiting Shed he MADC vaw tlytuhpazy ta amâ pahâ n’awpa ta vaw hmâh lymâ ei ta, ama hmâh phahnai kaw aw,” CEM ta a tah.
Shri Debangsu Bhattarcharya, DGM & Regional Head, IDBI, Guwahati chhaota biereina hnei hra ta, “Nama hry liata ei vaw hlao theipa he aly kaw na ta, MADC nata IDBI eima hriaparaoh theipa he aly âchhih ngaita kaw. Cha hleikhô ta, tahmâ vâsua daihti liata MTP implementing agency nahzy ta he building ama patlô theipa he ama chô liata ei ly ngaita kaw. Daihti vaw y lymâ awpa lia chhaota hriaparaoh thei lymâ sih la, keimo la MADC nahta hriaparaoh awpa heta eima mâ ngâthlâh haw. MADC complex chhôh liata he Waiting Shed eima padua theipa he eimâ ly ngaita kaw,” a tah.
Waiting Shed pahyna programme he Pihnô K. Dinaii, P&DO, MADC ta chhihtha ta, Puhpa JH. Beihnai, Dy. Secretary, GA&CD, MADC ta Abeipa lâta pavaosana devotion daihti â hmâh.
Puhpa K. Vanlalliana, Executive Secretary, MADC ta welcome speech reina hnei ta, Puhpa C. Rahre, AE, PWD, MADC ta Technical Report piena a hnei.
Puhpa K. Machhua, Planning Officer, MADC ta vote of thanks reina a hnei.
Kô 2023 tawhna khata MADC Complex liata Office adaohtuhpa nata ahriatuhpazy apahâ n’awpa nata apasipathai n’awpa châta Waiting Shed cum Public Toilet he CSR Fund hmâpa ta patohpatia awpa ta Siaha liata Bank nano nanopazy liata Proposal pangia tyhpa châ ta. Hlaotlohna a y thei leipa vâta atakô 2025 February thlâpâ liana khata IDBI Bank Siaha liata Branch Manager thiehpa Puhpa M. Wijonbou hnohta CEM zachhihpa Puhpa M.Laikaw hmahlana ta alaichadai pazi heihpa a châ.
Chatanachata, Executive Secretary Puhpa K. Vanlalliana nata Pihnô K. Dinaii, P&DO, Planning & Programme Implementation Department, MADC zy chhihthana ry liata hmahlapazi lymâpa châ ta, Corporate Social Responsibility (CSR) fund ry liata Project zy patohpatia ta a byuhna hawhta hmahla awpa ta Nodal Officer Puhpa Syuhlo Beichakhei Mara ta a buakhei pazao lymâ.
Project Proposal chhao cha a thiehpa ta pangia heipa châ ta, MTP Gen. HQ cha Implementing Agency châta CSR Certificate hmâpa ta he waiting shed he taopa a châ. He hleikhô ta, Branch Manager heta thlai ta alaichadai pazi lymâ hra ta, he MADC Complex liata Waiting Shed cum Public Toilet he Rs. 20 lakh hryuhpa ta sapa a châ.
ISSUED BY:
Information & Publicity Department
Mara Autonomous District Council
Siaha.
