PRESS RELEASE
NO.5/2026
SIAHA, 22 Nawh, 2026 (Pobienoh): Atanoh dawh 10:30 AM khata MADC Golden Jubilee Hall, Siaha liata Puhpa Beirahmo Syhly, EM i/c Cooperation Department, MADC chata National Cooperative Union of India, New Delhi in collaboration with Cooperation Department, Government of Mizoram & Cooperation Department, MADC pachhuahpanohpa Capacity Building Programme for Cooperatives in Mizoram Programme â hmâkhei.
Programme he Pihnô N. Maki, Deputy Registrar, Cooperative Societies, MADC, Siaha ta chhihtha ta, Puhpa J. Lalthianghlima, CEI, Siaha District Cooperative Union ta Abeipa lâta pavaosana thlahchhâna a hnei.
Puhpa Beirahmo Syhly, EM chata, “Atanoh he hawhpa programme zy ahmâh thei awpa a vaw châ thlâhpa he Siaha District châta la noh ngiatlâh châ kawpa a châ. Eima vâhnei hmeiseih. Central tawhta training eikha eima hneina a châ. Aly âchhih hmeiseih. Eima hiapa chhao châ vei. District chakichakao chaipa liata eikha eima hneina châ ta, aly âchhih hmeiseih. Society members nata leaders zy namâ ly kaw sai nahta ei pangiasa. He daihti he a pahnai kawpa ta ahmâh chyu awpa ta khokheina ei châ hlâ chyu ei,” a tah.
“Keimo lâ sawzy pi he daihti he eima pasô thai kaw awpa byuh ta, keimo ta eima hriapapuapa châ leipa ta Khazohpa ta miah vaw tuapa na a châ e, tahpa he eima pahno awpa a peimawh kawpa ta ei pahno. Society he keimo nata State apazaona kha vaw chie khai ha ta, zâkô tawh khata State nata apazaona vaw hnei pi ta, State nata eimâ pazao tawhta cha Central nata avaw pazao heih hra pi ta, chavâta, atanoh central tawhta training zy miah ama pie theipa a vaw châ.”
“Central sawhkhâ ta Cooperation he pachâ peimawh kaw ta, Cooperative Societies zy pachâ peimawh ta hmahsie via lymâ awpa a khoh. He daihti rypaohpa eima hmâh thai vei khiahta la a pei tuh ha aw. District hropazy ta keimo hlâta hmia ama tôh via hlâta, tiama ta hmia eimâ sah awpa he a peimawh ngaita kawpa ta ei pahno. Chavâta, tiama papua sih la, training he pha kawpa ta â hmâh sih la, a thei khiahta la training no heta notebook liata peimawhpazy a note down khai u la, he training he phahnaikhei ta, keimo mo pakha nata khitlâh nata District hmahsiena a pua thei aw tahpa ta khâ châ phahnaikhei awpa ta namâ hmâh awpa ta ei châ vaw hawpa ei a châ,” tahpa ta EM ta pasyunabie pha kawpa a reih.
He Programme liata Resource persons-zy cha:
- Shri Raghuvansi, Assistant Director, National Cooperative Union of India (NCUI).
- Shri Chandan Singh, Assistant Director, National Cooperative Union of India (NCUI) zy ama châ.
Interpreter : Puhpa K. Malsawmdawngliana, ARCS (Aizawl).
ISSUED BY:
Information & Publicity Department
Mara Autonomous District Council
Siaha.
