PRESS RELEASE
NO.84/2025
SIAHA, 21 Khihpa, 2025, Hriatuanoh – Atanoh dawh 1:00 PM khata Puhpa M. Laikaw, Hon’ble Chief Executive Member, MADC ta MADC Public Health Engineering Department (PHED) Office Extension building sa thiehpa a pahy.
Pahyna programme he Puhpa S. Chozah, Executive Engineer (PHED), MADC ta chhihtha ta, Rev. Jimmy F. Sachai, ECM Local church College Vaih Biatuhpa ta Abeipa lâta hlâna nata alynabie reina thlahchhâna hnei ta, Puhpa B. Khaichhua, JE (PHED), MADC ta technical report piena a hnei.
Puhpa M. Laikaw, CEM, MADC chata, “Kô hluhpi Room acha-ie kawpa liata vaw y ei chi ta, atahmâ PHED building extent theipa vaw châ ta, Room pha viapazy nama vaw hnei theipa he, aly âchhih hleikhô ta achievement sâkha a châ,” a tah.
“MADC building, etc liata ti supply tuhpa châ ei chi ta, ti peimawhna he asâh ta, ti pathaihpa, ti phapa eima hnei thei lymâ n’awpa ta tiama nama papua via lymâ awpa a peimawh ngaita kaw. Ti eima hnei hluh via lymâ thei n’awpa ta Project laipazy tao ta, nama lathli nama hmâh via lymâ awpa he a peimawh ngaita kaw,” CEM ta a tah.
CEM chata, “Borewell drilling zy tao hluh ta groundwater la hluh, hnei hluh dâhzy nama pachâ hluh via lymâ awpa he a peimawh ngaita kaw,” a tah.
Puhpa K. Chhuabei, EM i/c PHED, etc MADC chhaota biereina hnei hra ta, ti eima hnei hluh via lymâ thei awpa ta hmahla via lymâ a peimawhzie, a reih.
He pahyna programme lia heta Pihnô S. Lalmuanpuii, Sr. LAO, MADC, Puhpa Joshua Chozah, Under Secretary, LAD, MADC nata Puhpa Pawsa Lava, AITO, MADC zy chhao amâ hlao hra.
Puhpa S. Chozah, EE (PHED) ta alynabie reina a hnei khai tawhta Abeipa thlahchhâna (The Lord’s Prayer) reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
