PRESS RELEASE
NO. 100/2025
SIAHA, 21 Thlazoh, 2025, Pobienoh – Atanoh dawh 11:30 AM khata LAD, MADC, Siaha pachhuahpanohpa Mizoram Cleanliness Competition 2025 Preview Meeting MADC Golden Jubilee Hall, Siaha liata ahmâhpa châ ta, meeting he Puhpa K. Chhuabei, EM i/c LAD, etc MADC ta â hmâkhei ei.
Meeting he Puhpa C. Mochônô, Asst. LAO, MADC ta a chhihtha.
Puhpa K. Chhuabei, EM chata, “Mizoram sawhkhâ ry liata Urban Development & Poverty Alleviation (UD&PA) Department pachhuahpanohpa Mizoram Cleanliness Competition 2024 liata Siaha khihpi ta District Headquarters Category liata khihpi pathaih chaipa lymâ sâ 2-na dao pi ta, atakô pathaihna ataopasuana liata sâkhana eima châ thei n’awpa ta hmah eima la lymâ awpa byuh ta, Siaha Town chhôh liata VCP, VC Secretary nata Sanitation Board liata hriapa zydua hnohta pathaihna pachâ peimawh chyu awpa ta ahawna,” a tao.
“Khihchhôh liata O nata O likawhzy pua kaw tyh ta, atanoh ta he meeting a vaw hlaopa zydua tiama nama vaw papua via lymâ awpa a byuh. Pathaihna kyh liata hriaparaohna phapa he peimawh kaw ta, pathaihna kyh lia heta nâmo hmia avaw sah lymâ u la, hriaparaohna pha kawpa hnei lymâ awpa ta nata hmahla lymâ awpa ta ahawna,” a tao.
EM chata, “Saimakao, sidedrain liazy apuapa athypa hluh kaw tyh ei ta, VC, NGOs nata Sanitation Board zy hriaparaohpa ta apuapa thy khao lei awpa ta Saimakao, sidedrain kiapâh liata ypa, pahrâpazy nama chho chyu awpa a châ,” a tah.
EM chata, “Siaha khihchhôh liata sao daihti liata ie-o pipe pahy ta pazâpapua tyhpazy, LAD, MADC lâ vaw report lymâ u la action eima vaw la lymâ aw,” a tah.
“Keimo ta pathaihna kyh liata hmia eimâ sah khiahta cha mo hropazy chhao pathaihna kyh a peimawhzie eima chho ti ta, ama papeimawhsa hra aw. Sanitation point liata ahyhmah ta apuapa paso chhielie pasaipa a châ leizie,” a reih.
Puhpa Henry PL. Hnaihly, LAO, MADC ta presentation piena hnei ta, khihchhôh pathaihna kyh liata hmahlana peimawhzie reih ta, khihchhôh liata “yellow point” (designated area where urination is strictly prohibited) (pazôsâna O) y leipa liata pazôsâ pasaipa a châ leizie reih ta, cha hleikhô ta, khihchhôh liata akheihawhpa su lia rai apualeipa raopa pasaipa a châ leizie, a reih.
A chô liata palâsapa hleikhô ta, he a ry liata palâsapazy he LAO ta presentation a piena liata a reipa peimawh viapazy a châ:
- Cleanliness of public & residential areas.
- Aesthetic in making town Swachh & beautiful.
- Cleanliness in educational institutions.
- Ban on single-use plastic.
- Collection of waste & segregation of waste at source.
Khihchhôh akheihawhpa su lia rai ta “Red Spot” eima paysa awpa châ vei.(“Red Spot” in a public place means: A place stained by spitting of betel nut, pan, gutkha, or tobacco (usually on walls, drains, or the ground).
Siaha Town VCP zy ta ama vaih chyu pathaihna kyh liata ama hmahlana report ama pie chyu. Atanoh meeting avaw hlaopa zydua discussion chhao hneipa a châ hra.
Laihsa Priscilla Nôtlia ta pahnie kawpa ta hlasapa ta zawpi a palôhpahawh.
Puhpa C. Mochônô, Asst. LAO ta vote of thanks reina a hnei khai tawhta Abeipa thlahchhâna (The Lord’s Prayer) reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
