Skip to main content

Posts

Showing posts from January, 2022



MSO HQ Siaha General Election Result 2022 - 2024

 Mara Students' Organisation General Headquarters : Siaha Special Conference cum General Election 2022 31 March 2022 Council Vaih Hall, Siaha. MSO HQ Siaha General Election Result 2022 - 2024  President : Puhpa T. JB. Rona Vice President : Puhpa Elson Eliasah Notlia Gen. Secretary : Puhpa Byhnâ Chozah Asst. Gen. Secretary : St. Beirachhitha Bohia Finance Secretary : Puhpa T. John Tennyson Treasurer : Laihsa Daphney Lapi

MADC ta 73rd Indian Republic Day ahmâh

PRESS RELEASE NO.9/2022 SIAHA, 26 Nawh (January), 2022 – Atanoh my dawh 11:00 AM khata Puhpa N. Zakhai, CEM, MADC ta MADC tlyliah, Siaha liata Indian Republic Day ei 73rd-na alyna châta Indian National Flag a pakai (unfurl). Puhpa H.Sahlo, Chairman, MADC he Chief Guest châta raopa châ ta, a tlâh leipa vâta, a vyuhpa ta Puhpa N.Zakhai.CEM, MADC raopa a châ.  Puhpa N. Zakhai chata Indian flag a pakai (unfurl) khai tawhta biereina hnei pazi. Puhpa N. Zakhai, CEM, MADC biereipazy:- Ahmiatua ta Marasawzy Chi nata Pho ta maniah paduatuhpa eima Khazohpa hnohta alyna bie ei reih. He 11th term Mara Autonomous District Council ryureina chhihtha awpa ta maniah deichhytuhpa, MADC liata ahriatuhpa nata Mara zawpi zydua hnoh chhaota alynabie ei reih hmeiseih hra.  Râh châta ei hrialâhpa zydua nata atanoh Indian Republic Day ei 73-na aly awpa ta he su liata ahmaohpakhypa zydua Indian Republic Day ei 73 na Samaw ei cha hlâ ei. Indian Republic day he Kô 1950 liata India dâhpipa, Constitution eima hmâh

Limb Replacement Camp hnei dâh n'awpa reihpahmaoh

PRESS RELEASE NO.8/2022 SIAHA, 22 Nawh, 2022, Pachynoh – Atanoh dawh 2:00PM khata Puhpa K. Chhihrau, Executive Secretary, MADC zy chhaota CEM’s Conference Hall, MADC Complex liata Major Deepak Tiwari, O.C., Assam Rifles, Siaha zy chhao ta Limb Replacement Camp hnei dâh n'awpa reihpahmaohpa a châ. Siaha COB Assam Rifles zy ta Limb Replacement Camp hnei n'awpa lia heta District hro lâ tawhta Lôlei (Lunglei) District, Lytai (Lawngtlai) District nata Siaha District he Siaha khihpi liata hnei awpa a châpa vâta Major Deepak Tiwari, O.C., Assam Rifles, Siaha heta tlôkiah n'awpa (accomodation) âmo deita ama taothei leizie Puhpa K. Chhihrau, Executive Secretary, MADC hnoh ta bao amâ ngiahzie vaw chho ta, Puhpa K. Chhihrau chhao ta a byuh ângiahna maih liata baokhâ â chhuahzie chhao a chho hra ei.  Limb Replacement Camp he Hmypi (February) 1 - 3, 2022 khita Siaha khihpi liata hnei awpa a châ. ISSUED BY:- Information & Publicity Department Mara Autonomous District Council Siaha.

Indian Republic Day hmâ dâh n'awpa reihpahmaoh

PRESS RELEASE NO.7/2022   SIAHA, 22 Nawh, 2022, Pachyhnoh – Atanoh dawh 11:00 AM khata Puhpa K. Chhihrau, Executive Secretary, MADC zy chhaota CEM Conference Hall, MADC liata Republic Day hmâ dâh n'awpa NGOs (MTP (H), MCHP (H), MSO (H) nata MJA zy chhaota reihpahmaohpa a châ.   Republic Day he anoeihta MADC Office Tlyliah, Siaha liata hmâ hei awpa ta biepathlupa a châ.   COVID-19 hri-iah charei ngâhaipa vâta Republic Day he hruaeihpazy chhaota ahmâh awpa ta ryhraopa a châ.   MADC ta he hawh ta anoeihta Republic Day a hmâ âchhuahna chhâpa cha Mizoram sawhkhâ ta Warrant/Order of Precedence a taopa liata CEM, EM nata MDC zy duahmo ahnai kawpa liata ama sopa pasâh via awpa ta hiapa hlaotlohna a y mâh lei vâta a châ.   Republic Day he sawhkhâ ta zawpi pha n'awpa nata aboh n'awpa châta ryhraona a vaw taopa SOP/CAB zyhna chôta hmâh awpa a châ.   ISSUED BY:- Information & Publicity Department Mara Autonomous District Council Siaha.

Evangelical Church of Maraland Krizyhpa Paw Py Pakhypi vyuhpa ta Ryureina ei-4 na

Evangelical Church of Maraland Krizyhpa Paw Py Pakhypi vyuhpa ta Ryureina ei-4 na.  A su : New Colony Local Church A daihti : January 21, 2022 (10:00Am - 4:00Pm.

Lyuva Khutla 2022 hmâ dâh n'awpa reihpahmaoh

PRESS RELEASE NO.4/2022 Siaha, 19 Nawh, 2022, Pakhynoh – Atanoh dawh 11:30 AM khata Puhpa N. Zakhai, CEM, MADC zy chhaota CEM Conference Hall, MADC liata Lyuva Khutla 2022 hmâ dâh n'awpa reihpahmaohpa a châ. COVID-19 hri-iah charei ngâhaipa vâta District Playground liata Lyuva Khutla rônah kawpa ta hmâ â rypaoh leipa vâta, MADC Office Tlyliah, Siaha liata Azipa nata hruaeihpazy chhaota ahmâh awpa ta ryhraopa a châ. Azipa châta Puhpa S.Vadyu raopa a châ. Lyuva Khutla 2022 he sawhkhâ ta zawpi pha n'awpa nata aboh n'awpa châta ryhraona a vaw taopa SOP/CAB zyhna chôta hmâh awpa a châ. ISSUED BY:- Information & Publicity Department Mara Autonomous District Council Siaha.