Skip to main content



Limb Replacement Camp hnei dâh n'awpa reihpahmaoh

PRESS RELEASE NO.8/2022 SIAHA, 22 Nawh, 2022, Pachynoh – Atanoh dawh 2:00PM khata Puhpa K. Chhihrau, Executive Secretary, MADC zy chhaota CEM’s Conference Hall, MADC Complex liata Major Deepak Tiwari, O.C., Assam Rifles, Siaha zy chhao ta Limb Replacement Camp hnei dâh n'awpa reihpahmaohpa a châ. Siaha COB Assam Rifles zy ta Limb Replacement Camp hnei n'awpa lia heta District hro lâ tawhta Lôlei (Lunglei) District, Lytai (Lawngtlai) District nata Siaha District he Siaha khihpi liata hnei awpa a châpa vâta Major Deepak Tiwari, O.C., Assam Rifles, Siaha heta tlôkiah n'awpa (accomodation) âmo deita ama taothei leizie Puhpa K. Chhihrau, Executive Secretary, MADC hnoh ta bao amâ ngiahzie vaw chho ta, Puhpa K. Chhihrau chhao ta a byuh ângiahna maih liata baokhâ â chhuahzie chhao a chho hra ei.  Limb Replacement Camp he Hmypi (February) 1 - 3, 2022 khita Siaha khihpi liata hnei awpa a châ. ISSUED BY:- Information & Publicity Department Mara Autonomous District Council Siaha.

Tu Dang Kan Nilo ZOFATE Vek Kan Ni

Rev. Dr. Zaichhawna Hlawndo


Kar hmasa lamah khan "Hnamah i harh ang u" tih thu kan ziak tawh a. Zofate hian hnama harh turin kan hnam nihna hming dik tak pawh hre lovin kum tam tak kan lo bo tawh a. Kan zavaia nihna Zofate a ni tih pawh hre tawh lovin chibing emaw hnam nihna hrang hrang angin lak hran leh chhinchhiahte kan ni.

Kan tawng a tirah pakhat ni thin kha kum
tam tak awmhrang kan nih avangin a lo thang danglam zel a. Kan mizia te pawh chenna hun leh hmun a zirin a lo dang hret hret zel a ni. 

Kan incheina hnam thuamhnaw (traditional dress) te pawh en thuak chuan in ang mahse, danglamna riau a lo awm deuh vek tawh bawk. Chi peng hrang hrang anga kan nihna anga kal lohtheihlohna chin a lo awm a, min awpbettu British leh India te pawhin thlahkhat leh unau kan nihna lam kha dah pawimawh lovin kan
chibing nihna ang ang te pawhin min hendarh zui zel a. Tunah phei chuan HNAM (Nation) pakhat ang pawh nilovin, hnam hnufual (tribals) hrang hrang angin min thenhrang a, min chhinchhiah a min awpbet ta vek a ni.

Hnambo kan nih avangin hnam nihna (National identity) mumal hre lovin ram dang leh hnam dangten an mi hriat dan hrang hrang Kuki, Lushai, Chin, Chilai, Khang leh Mizo tiin min lo kovin kan hnam hmingte min lo phuah sak a. Heng kan hnam nihna atana an lo vuah, ziah leh keimahni pawhin kan hmante hi engtik
lai mahin kan zavaia hnam nihna (National Identity) ah kan la pawm tlang ngailo.

Miten tunge an ni min tih? tih aia pawimawh zawk chu kan zavai mai hian "Tunge kan ni kan lo in tih thin? tih hi a ni. Chu kan nihna dik tak leilung piantirh atanga kan lo sawi chhuah, sak, ziah leh puanchhuah thin chu ZOFATE kan ni tih hi ani.

Zofate kan nihna chhan chu enge? ti a kan
zawh chuan Engdang vang nilovin "Kan thlahtu bul ber hi Zo emaw Zova a lo nih vang a ni". Hnam hming lo pianchhuahna chu mihring chi inthlah chhawn atangin a ni. Chuvang chuan mithiam chhuituten kan thlahtu an chhuina a lungrual taka an thutlukna chu Zova thlahte kan ni tih hi a ni. Zova fate emaw a thlahte kan nih avangin tuma min hrilh ngai lovin ZOFATE kan ni tih hi tuan leh mang atang khan kan lo sawi tawh thin. Zofate in thlah chhawng chhui dan chu ka lehkhabu ziah "Tu Dang Kan Nilo Zofate Kan Ni" tih ah khan chipchiar deuhvin kan dah tawh a, tun tumah chuan kan tar lang vek lo mai ang.

Kum tam tak chhung khawvel hmun hrang hrangah awm darhin kan tawng leh nun phung te chu lo darh nuaih tawh mahsela tlang tin mual tina Zofate chuan thu leh hlain kan nihna dik tak ZOFATE tih chu nghet takin kan la vuan zel a. Kum tam tak unau pianghmun kan inbona ata inhmuchhuak a, hnam khat leh thlah khat kan nihna dinchhuahpui tur hian tha leh zung pawh kan lo seng nasa hlawm hle.

Hlaphuahtu leh thuziakmi ten kan zavaia nihna sawi nana an hman rim ber chu Zofate tih hi a ni. Political party hrang hrang pawhin kan zavaia hnam nihna dik tak chu Zofate a ni tih hi an hai lo. Zo Reunification Organization (ZoRO) pawhin kum tam tak Zo hnahthlak Inpumkhatna chu mutmawh hnarmawh ah an nei. Mizo Zirlai Pawl (MZP) pawhin an thusawina reng rengah Mizo tih hmang lova Zofate tih hi hman tur tiin kum engemaw zah chu an lo in zirtir tawh. Young Mizo Association (YMA) te pawhin mutmawh hnar mawhah Zofate hnama inpumkhatna tur hian lo nei tawh. Kohhran pawhin Zofate harh hun tur chu dingdihlipa thlirin- Kristian Hlabu 343 changlina ah chuan "Harh r'u, Zofate harhr'u, Hnehna ropui kan chang thuai ang." tiin hla kan lo sa tluk tluk tawh bawk.

Nehemia chuan Jerusalem kulh hnamdang
ten an tih chim remrum tawhte din tha leh turin kohna a dawng a. Pathian hnam thlante chu hmuhsit leh sawi chhiat an nih tawh loh nan Jerusalem kulh din tha leh turin mipuite a cho ta a. Mipuite chuan lungrual takin "I thovang u khai I din teh tak ang u" ti a kulh chhia zawng zawngte an din tha leh ang khan - kan hnam nihna Zofate kulh chipeng leh hnam hrang hrang hmanga thendarh zawng zawngte thiatin kan hnam nihna pakhat (One National Identity) diktak "Tu dang kan ni love ZOFATE vek kan ni" tih ah hian harh vek tawh ila, tuma tih chetrualloh tura Hnam Ropui din chhuak turin pheikhai ruala ke pen a hun takzet a ni.

Tlâng Thianghlim
Zoram Thar
Zofate Pathian Biakinpui
Thenzawl, Kanan Phaipui
Mizoram, North East India.
Contact numbers (Mobile):
8131958421 (Rev. Dr. Zaichhawna Hlawndo)
8794859008 (Julie Lalruatfeli Hlawndo) (Mafeli).
Email: thehlawndosisters@gmail.com
            zoramthar2018@gmail.com

Source: https://www.facebook.com/zaichhawna.hlawndo

YouTube
The Hlawndo Sisters
https://youtube.com/channel/UCSWC26zbA--MgbLKjN4HiPA

Comments










Popular posts from this blog

Naupang Doctor te

*NAUPANG DOCTOR-TE: (Specialists).* _*1. Dr. Lalhmuchhuaka*_ J.L Medicine chung,Hospital Road Timing:Zing Dar 7:00 - 9:00 leh tlai dar 3:00 onwards  Clinic no: 0389-2321242 _*2. Dr. C. Biakmawia*_ Life Drug Centre, Hospital Road Phone: 9862682355 Timing - 6:00 am - 7:00 pm _*3. Dr. Lalremruati Sailo*_  Zoram Drug Store, Hospital Road Phone: 0389-2327676 / 9436142485 Timing: 3:00 pm onwards _*4. Dr. Lalbiakkima*_ Mizoram Health Care, Hospital Road Phone: 0389-2314523 _*5. Dr Samuel Sailo*_ Synod Hospital -Wednesday, Friday, Saturday Frasers -Tuesday,Thursday Ph no-0389-2310123 Millenium Centre-Monday, Thursday (1-4pm) Ph no-9862365304 _*6. Dr John Malsawma*_ Synod Hospital - Monday, Tuesday, Thursday, Saturday Frasers : Wednesday Ph no-0389-2310123 Millenium Centre-Friday(1-4pm) Ph no-9862365304 _*7. Dr. Chhuankimi*_ Venus Dawr chung, Upper Bazar. Timing: 3:pm onwards Clinic No-0389-2324780 _*8. Dr. Mahriati*_ Alpha Hospital, Kulikawn. Timing: 11.30 A.M

Mizo Sermon Thar - KHAWVELAH KRISTIAN CHHUNGKUA A PAWIMAWH

(Thufingte 24:11,12) Thi tura hruaite chu chhan la, thah mai turte chu chhan chhuak thuai rawh. Rev.C.Thalai __________________________________________________________________ Tunlai khawvelin a buaipui ber chu Zu leh ruihtheih (drugs) hmangin Setana a alo inrawlh a, chuvangin thalai sâng tam tak nitin leh thla tin thihna thlân khûr lamah an liam zo tawh a. Khawvelah an lo kîr leh thei tawh lovang. Tunlai hun hi hmanlaia Aigupta rama fa tir lalthuthlenga thu Pharoa fa tir atanga bawihnu fa tir thlenga an thi (Exodus 11:5-6), ang mai khan tunlaiah chhungkuaah fa u ber atanga fa naupang ber thlengin anmahni duhzawngin an awm vek tawh a. Chuvangin chhungkaw tam tak chu lungngaihna chhûmpui thimin a khuh mek a nih hi. Tunah Bible thu i lo ngaithla ang. "Kan tukverhahte thihna lâwn lûtin, kan lal inahte a lût tawh si a; Pâwn atangin naupang tibo tur leh, khawlai ata tlangvâl tibo turin." (Jer.9:27) ti a zawlnei Jeremian a lo sawi kha tunah hian a lo thleng ta a

Mizo Sermon Thar - THUTAKA HARHNA KAN NGAI

           SAM 119: 25 Rev. C.Thalai Thutaka harhna kan neihloh avang hian Camping te, Crusade te han nei thin mah ila, hun rei a daih ngai thin lo. Speaker ten khua an chhuahsan atanga reilote hnuah a reh leh thin. A chhan chu: Pathian tak tak atanga kan harh loh vang a ni. Chuvangin Sam ziaktu chuan thutak atanga harh turin min hrilh a ni.  “Ka nunna hi vai vutah a bet tlat a, i thu ang zelin min tiharh rawh”  alo ti a. Harhna kawngah chuan sual simna tello harhna hi a hlauhawm takzet a. Harhna diklova harhna chang chuan chapona an nei a, Pastor te, Upate hmuhsitna an nei thin. Bible thu ilo ngaithla ang.  “Pathianin chapote chu a dodal a, inngaitlâwmte erawh chu khawngaihna a pe thin” tiin min hrilh (I Pet.5:5). Thlarau rah pakua (9) zinga pariat(8) te chu in ngaihtlâwmna an ni. Inngaihtlâwmna nun chu Isua Krista nun a nih avangin Kristian nunah pawh inngaitlâwm nun chu nun ze mawi leh Krista tana rimtui an ni tih thu ropui tak mai, Tirhkoh Paulan a lo sawi a ni (II