Skip to main content

Posts

Showing posts from January, 2020



Limb Replacement Camp hnei dâh n'awpa reihpahmaoh

PRESS RELEASE NO.8/2022 SIAHA, 22 Nawh, 2022, Pachynoh – Atanoh dawh 2:00PM khata Puhpa K. Chhihrau, Executive Secretary, MADC zy chhaota CEM’s Conference Hall, MADC Complex liata Major Deepak Tiwari, O.C., Assam Rifles, Siaha zy chhao ta Limb Replacement Camp hnei dâh n'awpa reihpahmaohpa a châ. Siaha COB Assam Rifles zy ta Limb Replacement Camp hnei n'awpa lia heta District hro lâ tawhta Lôlei (Lunglei) District, Lytai (Lawngtlai) District nata Siaha District he Siaha khihpi liata hnei awpa a châpa vâta Major Deepak Tiwari, O.C., Assam Rifles, Siaha heta tlôkiah n'awpa (accomodation) âmo deita ama taothei leizie Puhpa K. Chhihrau, Executive Secretary, MADC hnoh ta bao amâ ngiahzie vaw chho ta, Puhpa K. Chhihrau chhao ta a byuh ângiahna maih liata baokhâ â chhuahzie chhao a chho hra ei.  Limb Replacement Camp he Hmypi (February) 1 - 3, 2022 khita Siaha khihpi liata hnei awpa a châ. ISSUED BY:- Information & Publicity Department Mara Autonomous District Council Siaha.

Miss Mara 2019 Contestants

Miss Mara 2019 Contestants (Siaha Dsitrict, Mizoram, India)

Puhpa N.Zakhai, CEM ta 16th Mizoram Volleyball Inter-District Volleyball Championship 2020 opening ceremony hmâkhei

SIAHA, 28 January, 2020, Tuesday: Puhpa N.Zakhai, CEM, MADC cha khichhai laipa (Chief Guest) châpa ta 16th Mizoram Inter-District Volleyball Championship 2020 opening ceremony cha a hmâkhei ei. He  Opening Ceremony Programme a hmâna liata Chief Guest biereipazy: He Inter District Volleyball Championship 2020 liata District sâhrawh hleikha (11) a vaw hlao thei ei chi ta,  châ ly hmeiseih ei na ta, Siaha District vyuhpa ta alynabie ei cha hlâ ei. Siaha District Volleyball Association hriapasana nata tiamana vâ chyuhta ta he programme hlaotloh theipa châ ta, ama chô liata alynabie ei reih hmeiseih. Siaha Khihchhôh liata nama châh chhôhta aly kawpa nata paphasa kawpa ta nama y awpah ta ei khokheina sâh chaipa ei cha hlâ ei. Mizoram Volleyball Association hmahlana zawhzi ta Siaha District Volleyball Association ta Siaha Khihchhôh liata he hawhpa ataopasuana a vaw tlôkheipa he a rônah tah na ta, thyutliapazy châta pahaona (competition) rônah kawpa a patlôsa cheingei aw tahpa ei hnabeise

Puhpa Beirahmo Syhly, EM (SYS) ta Inter-Dist. Volleyball Championship 2020 hmâkhei

SIAHA, 28 January, 2020, Tuesday: Zâhnia (Monday) zâ (27.01.2020) pa liata Puhpa Beirahmo Syhly, EM i/c Sport and Youth Services, MADC cha khichhai laipa (Chief Guest) châpa ta 16th Mizoram Inter-District Volleyball Championship 2020 cha a hmâkhei ei. He  Spike Off Programme a hmâna liata Chief Guest biereipazy: He 16th Mizoram Inter-District Volleyball Championship 2020 Siaha liata a vaw ypa he ei ly hmeiseih. He hawhpa ataopasuana programme he Siaha liata y beih leipa ta atahmâ he a eikhana châ ta ei ly hmeiseih. Sports liata la Sport person zy cha discipline hnei pha kawpa byuh ta  Sports dâh nata phôh (Sport Rules) eima zyh pha kaw awpah byuh ta, tiama ta sports dâh nata phôh (Sport rules) eima zyh pha kaw khiahta cha hlaotlohna eima hnei cheingei aw. Kei chhao Sport pahâh kawpa chyhsa châ na ta, Table Tennis tah leipa ta la ei khaih via rô khai hra. Atahmâ ta ataopasuana nama hnei awpah lia heta Mizoram chhôh liata District sâhrawh hleikha (11) tlai ta a vaw taopasua aw ei